QUAESTIO VI.

Utrum omnes generationes et actus sint circa singularia ?

Arist. hic cap. t. D. Thom. ibid. lect. 1 . Flaiidr. q. 5. art. 2. Fons. cap. 1. q. 5. sect. 1. 2. et 3. Hurtad. d. 8. Phys, sect. 3. subsect. 3.

Qubd non, actus intelligendi est proprius actus scientiae et artis, et tamen non est circa singulare, sed circa universale dum intelligitur. Item si sic; ergo singulare est per se subjectum motus et generationis, et talium passionum, et sic solum per se insunt singulari: ergo illae non possunt per se esse passiones demonstrabiles de aliquo subjecto in scientia, cum singulare a non sit per se subjectum alicujus artis sive scientiae, quia secundum Porphyrium c. de Specie, singularia relinquenda sunt ab arte. Item, sicut ex unitate per se objecti, vel diversitate, est unitas vel diversitas actus, ita ex unitate vel diversitate actus, est unitas vel diversitas potentiae, si tunc singulare sit per se objectum actus ; ergo alius est actus circa hoc singulare et illud, et per consequens alia potentia, et sic alia est potentia, qua videtur hoc album et illud album, sicut alius et alius est actus. Item, Socrates per se sanatur, Socrates per se est homo ; ergo homo per se sanatur ; sed homo non est per se singulare, ergo non omnes actus sunt circa singulare per se. Item si sic, aut circa hoc singulare tantum, aut circa singulare abstractum ab hoc et ab illo. Si primum detur; ergo non circa aliud. Si secundum detur: ergo circa universale, quia singulare abstractum ab hoc et ab illo, est universale. Ad oppositum est Philosophus.