Iuris funerandi 33

nis legem a laica potestate factam, hoc unum operari potuisse, ut Carmelitae, utpote dispersi, non amplius gauderent illis iuri- bus et privilegiis, quae eisdem competunt cum in Conventibus degunt sub disciplina regulari. Ex hoc autem non sequi, illud templum ad Carmelitarum Ordinem non amplius pertinere. Immo non modo ad Carmeliticum Ordinem pertinere ; sed in eo exerceri quoque ea iura et privilegia templo inhaerentia per Carmeliticum Rectorem cum duobus religiosis a superiore Ordinis deputatum ; quod si in eiusmodi adiunctis concurrat etiam loci Ordinarius, ex eo non aliud ostendi, quam quod templum illud non sit amplius Superiori Ordinis exclusive sub- iectum sed etiam loci Ordinario.

Eo magis, quod cum agatur de mutatione status eccle- siarum Regularium circa onera, iura et privilegia iis inhaeren- tia, intervenire semper debeat S. Sedis auctoritas, ceu praxis quoque significavit, ut in citata Pergulana 18 decembris 1824, in Firmana, Iuris funerandi 21 novembris 1840, in Raven- naten., Funerum 17 martii 1781, in Tiburtina, Iuris tumu- landi, 17 martii 1827. Cum autem circa mutationem status ecclesiae regularis in ecclesiam saecularem S. Sedes nullimode intervenisset, dicendum videri templum illud omnibus iuribus et privilegiis adhuc praeditum esse, quibus ante suppressio- nem pollebat.

Cum itaque templum illud regulare esse non desierit, con- sequi id, quod S. Rota ponderavit m causa Romana, Iuris tumulandi, 7 maii 1792, § 10: «Centies definitum est Paro- « chis aliisque saecularibus Presbyteris minime licere Regula- « rium ecclesias ingredi cum cruce erecta, stola et superpel- « liceo, ibique absolutionem cadaverum explere, officium et « Missam canere, atque exequias celebrare ». Item Barbosa, de Parocho, p. 3, c. 26, n. 81, aliique communiter.

Facta etiam hypothesi, templum de quo agimus saeculare evasisse, non illico sequi iure sepeliendi seu funerandi desti- tutum modo esse. Eiusmodi consequentiae carentia ex eo desumebatur, quod non constaret in themate templum illud

Acta, tom VII, fase. LXXIII. 3