Ordinationis 33

Ex QUIBUS COLLIGES:

I. Nullam ex iure concedi facultatem appellandi contra decreta Episcoporum ; quatenus ipsi sunt executores S. Con- cilii Tridentini, ne executio huius Sanctae Synodi suspendatur aut impediatur.

II. Etiam Benedictus XIV Constitutione « Ad militantis Ecclesiae » sustulit Ecclesiasticis Tribunalibus facultatem reci- piendi appellationem a denegatione SS. Ordinum vel ascensus ad alios maiores.

III. Attamen, ne omnis praediideretur via repulso a Sacris Ordinibus, concessum est eidem Apostolicam adire Sedem et suas exponere querelas, ut colligi possit an Episcopus legi- timae innixus fuerit causae pro eiusmodi recusatione.

IV. In themate aeris rigiditatem, valetudinis defectum in iuvene clerico, urgensque tempus ut inter militiae delectum numeraretur, reddere videntur minus rationalem causam, qua Ordinarius renuebat permittere ut Clericus Petrus Ordines susciperet sacros.

R E I N T E G R A T I O N I SEU REHABILITATIONIS

IN PAROECIAM.

Die 28 iulii 1877.

Compendium facti. Petrus G... parochus archipresbyter cuiusdam Ecclesiae receptitiae in Dioecesi B... anno 1 8 6 6 civile, quod vocant, matrimonium contraxit ex quo prolem suscepit. Citatus ad comparendum coram curia episcopali, paruit ac facti poenitens, declaravit se Romam profecturum, ut a summo Pontifice veniam tanti criminis impetraret; quod illico perfecit et obtemperans praescriptis Ecclesiae, absolu- tionem obtinuit.

Acta, tom. XI, fase. CXXI. 3