S. AGATHAE GOTHORUM 33

nec animarum curam actu exercere, nec examen subiisse, nec alias ab Episcopo videntur approbati.

Quoad secundum vero animadvertendum est, distributio- nes nihil aliud esse quam « portiones ecclesiasticorum redi- tuum quotidie distribui solitas iis clericis, qui statutis horis intersunt divinis officiis, discretas a praebendarum fructibus,» uti docet De Angelis in Praelect. Iur. Canon. lib. 3* De- cret, tit. 4* num. 16. Ex quo legitime infertur quod amitti debeant ab illis, qui choro statutis horis non intersunt. Quod ceteroquin expresse statuit Tridentinum cap. 12* Sess. 24* ubi haec habet: « Distributiones vero, qui statutis ho- ris interfuerint recipiant, reliqui, quavis collusione aut re- missione exclusa, his careant. » Unde sequitur quod ad dis- tributiones lucrandas requiratur vera praesentia corporalis in choro.

Neque obiici valet, canonicos qui curam habent anima- rum, dum hanc exercent, a S. Conc. Tridentino tam- quam choro praesentes considerari, ad effectum lucrandi dis- tributiones quotidianas , ac proinde punctaturis non esse obnoxios.

Sedulo enim animadvertendum ex Conc. Trident, loqui tantum de illis, qui possident dignitatem, cui imminet seu adnexa est actualis animarum cura sicut aperte docet Gar- cia De benef. part. 3 cap. 2 n. 337; Fagnanus lib. 3* decr. Licet De praebendas n. 163 et 165; S. C. C. praecipue in Montis Regalis 8 Iunii 1726 et 6 Dec. 1732; in Tor- tonen. 19 Sept. 1643; nec non ex S. C. E E . et R R . in una Lauden. 24 Nov. 1617.

His utrinque animadversis, quaesitum est quonam re- sponso dimittenda essent sequentia

Dubia

I. An canonici ecclesiae cathedralis confessiones sacra- mentales* qua parochi valide et licite excipere possint in casu.

Acta, Tom. XXII. fase. COLUI. 3