SERMO XXXII.

IN EODEM FESTO ASSUMPTIONIS

B. MARIAE VIRG.

Quoe est ista quoe progreditur quasi aurora consurgens, pulchra ut luna, electa ut sol, terribilis ut castrorum acies ordinata ? Cant. VI, 9.

Nota, quod haec verba per admirationem dicuntur de admirabili matre mirabilis Dei nostri. Unde quinque principaliter sunt hic notanda :

I. Quare Beata Virgo progredi dicatur ? II. Quae sit causa, quod aurora vocatur ?III. Quae sit ratio, quod pulchra ut luna nuncupatur ?

IV. Propter quid electa ut sol asseratur ?V. Cur eliam terribilis ut castrorum acies adstruatur ?

Igitur sciendum est, quod haec quinque quasi ex ipso nomine gloriosas Virginis innuuntur. Ipsa enim Maria vocatur. Hoc nomen consistit ex quinque litteris, videlicet M. A. R. I. A. Ponamus ergo pro M Mediatrix, pro A Alleviatrix, pro R Reparatrix, pro 1 Illuminatrix, pro A Auxiliatrix. Et invenimus, quare de Beata Virgine dicatur, quod progreditur, et quasi aurora consurgit, et quod pulchra est ut luna, et electa ut sol, ac terribilis ut castrorum acies ordinata.

Et nota, quod universum genus humanum propter peccata primorum parentum, videlicet Adae et Evae, et etiam propter proprios excessus, quinque mala inciderat, scilicet Dei Patris offensionem, interni languoris vexationem, spiritualium virium defectionem, mentis ac cordis obtenebrationem, et crudelium hostium infestationem : sed propter ha?c quinque mala tollenda facta est Dei genitrix Mediatrix, Alleviatrix, Reparatrix, Illuminatrix, et Auxiliatrix.

I.

De primo nota : Glossa, " Dei genitri-" ce inter dulces amplexus serenissimi filii "ad coelos ascendente, omnes Angelici " spiritus, et universae animae electorum in "laudem Beatae Mariae prorumpentes, di-" eunt : Quae est ista ? id est, quam bona, " quam pia, quam laudabilis, et quam ad-" mirabilis, pie progreditur, id est, pro " reis graditur, velut Mediatrix. " Recognoverunt enim, quod ipsa Jesum genuerat, qui mundum Deo Patri per proprium cruorem reconciliaverat: unde dicit Paulus, II ad Corinth. v, 19 : Deus erat in Christo mundum reconcilians sibi. Unde et quotidie cantamus in Missa : " Agnus " Dei, qui tollis peccata mundi, etc. " Recognoverunt etiam omnes Angelici cives, quod propterea Beata Virgo super omnes Angelorum choros elevabatur, ut pro peccatoribus quasi pia Mediatrix jugiter intercedat. Unde et dicit sa?creta Oratio: " Munera nostra apud clementiam "tuam Deus, genitricis commendet ora-" tio, quam idcirco de praesenti saeculo " transtulisti, ut pro peccatis nostris apud " te fiducialiter intercedat ". Hinc etiam verus Salomon, id est, Dei Filius, dicit ad matrem suam, III Reg. II, 20 : Pete mater mea: neque enim fas est ut avertam faciem tuam.

Ut autem Filius apud Patrem, et Mater apud Filium pro nobis efficacius intercedat, bonum est ne aliquis nostrum vel Filium vel Matrem offendat. Ille Filium et Matrem offendit, qui in diebus

Dominicis Resurrectioni Filii consecratis, et in solemnitatibus B. Virginis, choreas frequentat ac tabernas, et qui tunc ludis, in quibus multa juramenta proferuntur, vacat et luxuriis. Certe B. Virgo numquam lusit. Unde et ipsa dicit, Tob. iii, 17 : Numquam cum ludentibus miscui me : neque cum his, qui in levitate ambulant, participem me praebui.

II.

Sequitur de secundo, Quasi aurora consurgens. Hic recognoscunt Angeli et sancta? anima?, quod B. Virgo est a?grotantium Alleviatrix. In ortu siquidem aurora? a?grotantes lenius consueverunt habere. Legitur etiam in Gen. xxxii, 25 et 26, quod Angelus Jacob in ortu aurora? benedixit. Et nota, quod aurora dicitur quasi aurea hora. Tempus enim aurorae prae aliis horis a?grotis est charissimum. Et vere Beata Virgo prae omnibus aliis Sanctis, infirmis peccatoribus charissima est, atque gratissima. Ipsa quippe Dei Filium, qui est medicina omnium infirmitatum, protulit toti mundo. Unde Eccli. XXXVIII, 4: Altissimus creavit de terra medicamenta, et vir prudens non abhorrebit illa. Itaque Beata Virgo est illa benedicta terra, de qua Altissimus, id est, Deus Pater, medicinam fidelium, id est, Jesum Christum secundum corpus creavit, et animam : secundum divinitatem quippe semper exstitit increatus. Et vere prudens qui fuerit, non abhorrebit hanc medicinam. Hac autem medicina quotidie nobis exhibetur in venerabili Sacramento Corporis et Sanguinis Domini nostri Jesu Christi. Unde et in quadam complenda oramus : " Sit nobis, " quaesumus Domine, medicina mentis " et corporis, quod de sancti altaris tui " benedictione accipimus, etc. " Multi mulierem fornicariam, vel pecuniam, vel aliam rem male acquisitam huic medici- nae praeponunt. Malunt enim carere Christi corpore, quam amasiam dimittere, vel pecuniam, seu aliam rem injuste conquisitam restituere.

III.

Sequitur de tertio, Pulchra ut luna. Hic testatur omnis familia Regis aeterni, quod Beata Virgo est debilium Reparatrix. Sicut enim luna in suo incremento corporibus humores recuperat : sic et Beata Maria Deum Israel concepit et peperit, qui dat virtutem et fortitudinem plebi suas, ut dicitur in Psal. lxvii, 36. De hac luna dicitur, Eccli. xliii, 8 : Luna crescens mirabiliter in consummatione. Beata nempe Maria crevit ut luna, non autem decrevit. Ibat enim de virtute in virtutem , donec fieret luna perfecta in aeternum. Ita et nos, charissimi, in virtutibus et bonis operibus de die in diem crescere debemus. Hinc est, quod Dominus dixit in Gen. IX, 1, Noe et filiis ejus : Crescite, et multiplicamini, et replete terram. Per Noe intelliguntur divites et Praelati, per filios ejus notantur pauperes et subditi. His omnibus dicit Dominus : Crescite in virtute, et multiplicamini ''in bonis operibus : sic enim replebitis terram viventium. Quidam autem e converso quotidie deficiunt, et pejores efficiuntur.

IV.

Sequitur de quarto, Electa ut sol. Hic proclamat coelestis exercitus, quod Beata Virgo coeli et terras est Illuminatrix. Sicut enim sol illustrat tenebras hujus mundi : ita et ipsa aeterno Soli praeparavit tabernaculum suum, qui ortus est ex ea, et illuminavit his, qui in tenebris sunt et umbra mortis. Ortum hujus solis praedixerat Malach. IV, 2 : Orietur vobis timentibus nomen meum sol justitiae,et sanitas in pennis ejus. Christus igitur est sol justitias, qui mundum istum vita praeclarissima; et doctrina rectissima illustravit. Qui etiam in judicio excessus impiorum declarabit. Et vere sanitas in pennis ejus. Ad quemcumque enim sol iste tunc volaverit, id est, cujus corpus et animam tunc glorificaverit, sanitatem ei largietur aeternam. Dicitur etiam,Eccli, xlii, 16,de Filio Dei et Matre ejus : Sol illuminans per omnia respexit, et gloria Domini plenum est opus ejus. Haec verba sic intellige, quod duplex est sol coeli, videlicet Dei Filius, et Mater ejus. Hi ergo soles per omnia respiciunt, id est, cuilibet de omni servitio, quod ipsis impensum fuerit, speciales scutellas oeternas retributionis transmutent, sicut principes facere consueverunt.

V.

Sequitur de quinto, Terribilis ut castrorum acies ordinata. Hic innuitur,quod Beata Virgo fidelium contra daemones et septiformem turmam vitiorum dimicantium est fortis Auxiliatrix. Unde de ipsa dicitur in Cant/,IVv, 4 : Sicut turris David collum tuum, quas aedificata est cum propugnaculis : mille clypei pendent ex ea, omnis armatura fortium. Nota, quod per collum intelligitur Beata Virgo, per ipsam enim quasi excellentissimam totum corpus Ecclesiae unitur capiti Christo.

Haec est sicut turris David, id est, manu fortis : quia fideles in ea forte refugium inveniunt. Et haec est aedificata cum propugnaculis, id est, adjutorium habet a Patre et Filio et Spiritu sancto. Mille etiam clypei, id est, omnium Angelorum praesidia pendent ex ea ad defensionem ipsorum, qui confugerunt ad ipsam. Omnis etiam armatura fortium pendet ex ipsa, quia omnes electi eum, quem ipsa adjuvare voluerit, adjuvabunt.

Bonum est ergo, charissimi, quod per veram poenitentiam sic modo ad istam fortem Auxiliatricem confugiamus, ut per ipsam protectionem in die judicii contra omnes nostros adversarios habeamus. Quod, etc.