31. De ss. Trinitate.

1 a. Veni, sancta trinitas,
Mentes trahe subditas
Ad te trino digito.

1b. Veni, pater luminum,
Veni, salus hominum,
Iesu, cum paraclito.

2 a. Pater innascibilis,

Virtus invincibilis,

Pietate vincere;

2 b. Verbum, splendor numinis,
Lux expers caliginis,
Tenebris illabere;

3 a. Fons dulcoris, spiritus,
Anxios per gemitus
Labes mentis dilue.

3 b. Pater, verbum, caritas,
Qui tres una quidditas,
Trinum panem tribue.

4 a. Tria sata similae
Pectus intra fragile
Zyma sancto confice.

4 b. Sitiunt triclinia,

Vinum fundit hydria
Trimetra pro latice.

5 a. Patris, nati, spiritus,
Simpli boni funditus,
Est aenigma radius:

5 b. Pater ut vis radii,
Splendor instar filii,
Calor amor medius.

6 a. Ergo, lux trisbagia,
Tres una substantia,
Praesta plebi miserae,

6 b. Pater aegris, genitus
Caecis, maestis spiritus,
Opem uno munere.

7. Unica lux trina,

tibi respice corda supina