Sermo VIII .

Dominica secunda de Adventu sermo fratris Bonaventurae, quem explicavit ad petitionem reginae Franciae in illa die.

Cum audisset Ioannes in vinculis opera Christi, mittens duos de discipulis suis, ait illi: Tu es, qui venturus es, an alium exspectamus?

In isto Evangelio, quod sumitur de Matthaei undecimo , quatuor principaliter continentur

Primum est venerabilis Baptistae mirabilis devotio et amor ad Christum, qui etiam in carcere satagebat et zelabat clarificationem nominis eius et ipsum mentibus discipulorum suorum praecordialiter imprimere nitebatur.

Secundum est mysterialis et nobilis quaesti o, quam per discipulos dubios non dubius ipse, sed plenus fide et pietate et zelo communis aedificationis Christo magistro direxit.

Tertium notabilis et universalis Christi ad propositam sibi quaestionem satisfactio respondens et ostendens, nullum debere dubitare, eum esse universalem mundi Reparatorem propter septem illa, quae exercebat in mundo, quoniam venerat in mundum et vivebat et agebat in mundo ut caecorum, id est ignorantium, claritas ; claudorum , id est spiritualiter debilium, soliditas; leprosorum, id est immundorum, sanctitas ; surdorum, id est inobedientium, lex et veritas; mortuorum in peccatis viteet im mortalita s; pauperum Dei saturitas; perseverantium et non a fide cadentium felicitas.

Quartum est ipsius dilecti Praecursoris propter suspicationem turbarum tacita per Christum excus atio et miranda eiusdem de const antia mentis, iustitia austeritatis, trita sanctitatis et doctrina veritatis commendatio.