31. De sancto Antonio Eremita.

1. Alme confessor
et professor
fidei,

triplicis aggressor
luctae et evictor,

2. Eremi possessor,
Pauli successor,
legis dilatator,
miserorum consolator,
virtutum sator,
aegrorum curator,

3. Antoni, indolis
elarae, nobilis,
qui novenis sub bis
annis paterna praedia
minimis Christi
distribuisti.

4. Qui inter sanctam,
desponsatam
Christo, gratam,
virginalem cohortem
tuam pulcherrimam
sororem locasti;

5. Aegypti taetris
in speluncis
et latebris

contra mundum, satanam
carnemque propriam
fortiter certasti.

6. Qui ut virilis

Christi pugil et quiris

in hoc triplici conflictu

cervice

in caelum protensa mire

triumphasti ;

7. Qui adfamine

Christi in certamine
hoc responsum accepisti:
"Per orbem
faciam universum te
nominari."

8. Qui bis novem monasteriis
structis in Aegypti terminis,
mirum in modum Paulo
sepulto,

predicationis verbo
ad fratres facto
paternaliter,
sub secreto sepultus,
inventus mysterialiter,

9. Ut Caesaris unigenita
regis Constantini filia
unum per haustum lymphae
obsessa

a novem spiritibus per te
liberaretur
personaliter,
et clareret in mundo
nomen tis universaliter.

10. Ducente stella
maris procella
ad fines Aegypti
sanctus Theophilus episcopus
te, nostrum patronum,
divina ope

ente sedulo prope se,
traducebat.

11. Qui tacto tui
feretro frui
facis sanitate

tenerrimam Caesaris filiam
satanis oppressam,
ignem gehennae,
iacens in terra Vicnnae,
mortifica.

12. Hagios
veris ros,
Maii flos
Audi nos ;
nam te trinitas,
quidquid petis, exaudit.

13. O theos
ischyros,
vitae dos,
Salva nos,
tibi pro quibus
Antonius adplaudit.

14. Da tempus paenitentiae,
averte morbos validos
et epidimiae.

15. Tuos misericordiae

converte in nos oculos,
o fili Mariae.

16. O Antoni, nostrorum
miserere peccatorum ;
per tuum precatum
perduc nos,
servos tuos,
in statum ad te
ut possimus transire.