33. In Translatione s. Gengulphi.

Ad Magnificat.

A. Recolenda gloriosi

Gengulphi praeconia

Pro voto [hunc] personando

celebrat ecclesia.

Cui congaudet in excelsis

angelorum curia,

Coronato post agonem

triumphali gloria.

Ad Matutinum.

Invitatorium.

Contio nostra Deo

iubilans pia vota rependat,

Per quem martyrio

Gengulphus in axe coruscat.

In 1. Nocturno.

Antiphonae.

1. Beatus vir insignitus

clara stirpe germinis,

Tamquam lignum vitaeflorens

in decursu fluminis,

Fructum dedit ante Deum

pretiosi sanguinis.

2. Disciplinam apprehendens

puritatis animo

Serviebat vir beatas

in timore Domino,

Pro quo tandem mortem tulit

felici martyrio.

3. Adversantes vicit hostes

circumdantis populi

Et contrivit peccatorum

dentes scuto fidei,

Coronandus inter choros

senatus aetherei.

Responsoria

1. Gloria lausque Deo

per saecula cuncta resultet,

Per quem sancta Sion

victrici pignore gaudet,

Dum sic martyrii

numerosa prole refulget.

V. Quam specialis amor

matris pia viscera complet !

2. Gengulphus martyr

titulis insignis avorum,

Stemmate reque potens

et culmine fretus honorum,

Dulce decus generis

compsit dulcedine morum,

V. Pro Christo patiens

certamina dura laborum.

3. Lingonis urbs felix

divinum nacta virorem,

Parturiens roseum

viridi de caespite florem,

Gengulphi meritis

dignum diffudit odorem.

V. Sicut fructifera

produxit oliva saporem.

In 2. Nocturno.

Antiphonae.

1. Invocavit Deum suum

amator iustitiae,

Ut ab illo procul pellens

maerorem tristitiae

Vultum eius consignaret

splendore laetitiae.

2. Scuto bonae voluntatis

in agone praeditus.

Linguam nequam et dolosam

nihil prorsus veritus.

Operantes vanitatem

vicit martyr inclitus.

3. Iustum sanctus se confidens

habiturum iudicem

Procellosum peccatorum

devitando calicem

Transmigrabat gloriosus

ad virtutum apicem.

Responsoria.

1. Dux venerandus emit

collato munere fontem,

Utque viri sancti

fieret memorabile nomen,

Transtulit externam

pius huncDeus in regionem;

V. Servat adhuc veterem

latieis fons ille colorem.

2. Dum solito more

regis dormiret in aula,

Ne Domini servum

vexaret nox tenebrosa,

Caelitus accendi

meruit deiecta lucerna;

V. Rex stupuit mirans,

quia ter virtute superna.

3. Martyr et athleta

fidei fcrvendo calore

Terrea contemnens

vitae caelestis amore

Fulget in excelsis

celebri Gengulphus honore,

V. Martyrii roseo

radians super astra cruore.

In 3. Nocturno.

Antiphonae.

1. Montis Dei semper optans

sanctus heres fieri

Et ceelestis habitator

esse tabernaculi

Totis votis affectabat

coronam martyrii.

2. Magna satis ante Deum

beatorum gloria,

Qui coronat decertantes

felici victoria,

Vitam praestans longiorem

per aeterna saecula.

3. Quam beatus, qui in vanum

non accepit animam,

Mundo corde, pura manu

servans innocentiam !

Hic salutem obtinebit

et misericordiam.

Responsoria.

1. Coniugis incestae

potuit nudare reatus

Frigidus in fonte

lapis a duce sanctificatus,

Dum cute detracta

digitis caditungnisabactus;

V. Terribilis Deus hic

districtius est operatus.

2. Miles Christi gloriose,

Gengulphe sanctissime,

tuo pio interventu

Culpas nostras ablue,

V. ut caelestis regni sedes

Valeamus scandere.

3. O quam mira Dei

pietas virtusque refulget,

Per quem Gengulphus

signorum iubare splendet;

Arcet enim febres,

requiem dat daemoniosis,

Praecipue piat hos,

quos pestifer inficit ignis;

V. Omnibus optatae

donat pia vota salutis

In Laudibus.

Antiphonae.

1. Triumphali fine sanctus

translatus ad aethera,

Sicut crebra incessanter

protestantur opera,

Claris signis illustratur

post beata funera.

2. Dum Gerardus praesul sacra

Tullum defert pignora,

Fragor venti ter extinxit

cerae luminaria,

Sed haec Deus reparavit

propter sancti merita.

3. Caecussupplex[est] prostratus

in beato limine

Et post Christum invocato

sancti viri nomine

Sospitatem est adeptus

reparato lumine.

4. Captus quidam vir evadens

templum sancti subiit,

Quem perversae mentis homo

extra templum reppulit,

Unde reus mox a terra

absorptus interiit.

5. Iam veterno lapsu pendens

ruebat maceria,

Quam sic pronam diu fixit

viri Dei gratia.

Donec plebis procedentis

pertransirent agmina

Ad Benedictus.

A. Tua, Christe, sunt ubique

laudanda miracula,

Qui in sanctis gloriosus

facis mirabilia,

Tu es, Deus, benedictus

per aeterna saecula.