Sermo IX .

Item, sermo fratris Bonaventurae editas Lugduni in domo Praedicatorum, praesente caria Romana ibidem.

Lignum vitae desiderium veniens, Proverbiorum decimo tertio.

Describitur in verbis his adventus Christi in carnem tripliciter, scilicet ut universaliter peroptatus, ibi: desiderium; ut singulariter praeoptandus, ibi: lignumvitae ; ut praesentialiter exhibitus, ibi: veniens .

I. Circa primum nota, quod adventum hunc sancti Patres desideraverunt ex quadruplici consideratione , scilicet ex consideratione miseriae iniquit atis, quae est pronitas ad malum et tali modo desiderabat David, in iniquitatibus conceptus ; Quemadmodum desiderat cervus ad fontes aquarum, ita desiderat anima mea ad te, Deus.

Miseriae infirmitatis, quae est difficultas ad bonum, et hoc modo desiderabat Iob : ''Quis mihi tribuat auditorem, ut desiderium meum audiat Omnipotens?

Miseriae caecitatis, quae est ineptitudo ad cognoscendum verum, et hoc modo desiderabat Tobias : Quale gaudium mihi erit, qui in tenebris sedeo et lumen caeli non video? et tertii Regum decimo: Universa terra desiderabat vultum Salomonis, ut audiret sapientiam eius ''etc.

Miseriae captivitatis, quae est impedimentum ad aeternum regnum, et hoc modo fuit desiderium in Daniele; Danielis decimo : Daniel, vir desideriorum, intellige verba, quae ego loquor ad te, et sta in gradu tuo. Desiderabat enim, ut Christus veniret sicut iustificatio contra miseriam iniquitatis, sicut corroboratio contra miseriam infirmitatis, sicut illuminatio contra miseriam caecitatis et sicut liberatio contra miseriam captivitatis.

II Nec poterat Christus venire melius contra has miserias, quam quod veniret sicut lignum vitae. Si autem attendamus lignum vitae hujusmodi, scilicet Christi propter nos incarnati originem, invenimus, quod est lignum vitae purissimae; Genesis secundo : Produxit Dominus Deus de humo lignum vitae in medio paradisi; quarti Esdrae secundo: Lignum vitae erit illis i n odore unguenti, et non laborabunt neque fatigabuntur.

Dispositionem, invenimus, quod est lignum vitae pulcherrimae; Levitici vigesimo tertio : Sumetis vobis die primo fructus arboris pulcherrimae spatulasque palmarum et ramos ligni densarum frondium etc.

Fructum, invenimus, quod est lignum vitae plenissimae; Apocalypsis ultimo : Ex utraque parte fluminis lignum vitae, afferens fructus duodecim, per menses singulos reddens fructum suum et folia ligni ad sanitatem gentium.

Situm, invenimus, quod est lignum vitae promptissimae; Genesis secundo : Lignum etiam vitae in medio paradisi; Canticorum secundo: Sicut malus inter ligna silvarum, sic dilectus meus inter filios.

III. Istud vero lignum vitae Christus fuit plenus pulcritudine viae ; Proverbiorum tertio: Viae eius viae pulcrae, et omnes semitae illius pacificae. Lignum vitae est his qui apprehenderint eam.

Plenus dignatione clementiae; Matthaei vigesimo primo : Venit tibi mansuetus.

Plenus illustratione sapientiae; Ioannis duodecimo : Ego lux in mundum veni, ut omnis, qui credit in me, in tenebris non maneat.

Plenus religione sive perfectione vitae; Lucae duodecimo: Ignem veni mittere in terram; Matthaei quinto: Non veni solvere Legem, sed adimplere.

Plenus remuneratione gloriae; Apocalypsis vigesimo secundo : Ecce, venio cito, et merces mea mecum est, reddere unicuique secundum opera sua.