ANDRIEN. 35

dum, et ad legendas lectiones, ceu fieri solet, in qualibet eccl. cathedrali.

Capitulum vero pro praebenda, ipsi collegio assignat ex reditibus, missarum massae sic dictae, qui reditus apud idem capitulum manere debent, et ab eodem erunt administrandi, annuos ducatos mille, paresi. 4250 et eleemosynas missarum triginta quae constituunt ducatos viginti pares lib. 85. Un- de praebenda uniuscuiusque mansionarii consistit in lib. 425. Fit potestas mansionariis interveniendi funereis functionibus, sacris 'processionibus, aliisque huiusmodi, et percipiendi emo- lumenta, si quae sint per dimidium illorum quae percipiunt ipsi canonici. Iamvero huiusmodi conditiones sunt omnino conformes naturae et essentiae collegii, iuxta finem ad quem fuit erectum , nec non nostris disciplinis quae requirunt in cathedralibus et collegiatis ecclesiis beneficia inferiora quae non sint de corpore capituli. Ad rem disserit Barbosa : « Ultra dignitates, canonicatus, seu praebendas, in ecclesia cathedrali seu collegiata, alia reperiuntur inferiora beneficia, quae non sunt de corpore capituli, ut tradit Gonzalez Ad reg. S cariceli. Huiusmodi sunt Assisii, seu mansionarii, qui videlicet in eadem ecclesia assidue, et veluti permanenter officium canendi in choro, et divina celebrandi obire tenentur, de quibus fit mentio in etc Ubi ex dicta Glossa ita vo- catos assisios dicit, quasi assiduos forte propter assiduitatem quam maiorem propemodum quam ipsi canonici divino cultui exhibere tenentur, ex quo, pro supplendis ipsorum canonico- rum defectibus asciti, et ecclesiasticorum proventuum partici- pes effecti videntur ». De canonicis et dign. cap. 4 n. 36, 37.

Insuper notat advocatus, ipsos collegii fundatores ius habuisse statuendi conditiones aptas ad finem propositum assequendum tam favore eccl. cath. quam cleri Andriensis. Proinde absque eorum assensu conditiones nullimode variari aut commutari possunt. Si secus diceretur, admitti deberet frustraneum esse ius fundatorum apponendi conditiones, quas volunt, dummodo honestas. Ergo standum est legi fundatio- nis iuxta decisionem editam ab hoc amplissimo Senatu.