33. Homo dicit Deo Domino.

1. O mi Deus, miserere,
Recognosco, sum peccator,
Pie parce, miserere,
Tu es pius miserator,
Miseriae miserere,
Deus meus, es salvator.

2. Te summum credo principem,
Habentem te imperium,
Me facias participem
Ad bonum tuum praemium,
Tu me recepta debilem,
Ne claudas mihi gremium.

3. Tuum iugum est suave,
Manet onus tuum leve,
Dico semper tibi ''Ave,
''Me custodi, manu tene,
Tu non mandas quidquam grave,
Tu exactor raro poenae.

4. Iam tua miseratio
Mihi veniat peccanti,
Sit salva mihi portio,
Nam contrito confitenti
Tu milii sis protectio,
Miserere paenitenti.

5. Exspecto te, sustineo,
In te firmavi ancora,
Mea peccata defieo
Et tibi canto cithara,
In te speravi, gaudeo,
Tu me corona gloria.

6. Divina miseratio
Me comitetur, societ,
Sit humilis oratio
Deoque cantet, iubilet,
Sanctaque Christi passio
Confortet nosque roboret.

7. Summus Deus diligendus,
Adorandus, venerandus,
Gloriosus es, colendus,
Tu laudandus, exaltandus,
Es excelsus, metuendus,
Tu quaerendus, exspectandus.

8. Te omnes mares, feminae
Adorent, colant, praedicent,
Spiritusque animae
Tibi exsultent, iubilent,
Te discordante nemine
Deum timentes diligant.

9. Ego tua sum imago
Et tua sum praescriptio,
Ego loquor in te, ago,
Nam est in te perfectio,
Ego sum in tuo agro,
Sis mei tu defensio.

10. In ira non me arguas,
Mihi parce peccatori,
Mea peccata deleas,
Tibi honor redemptori,
Sed mihi tu indulgeas
Et non tradas me furori.

11. Ego hymnum tibi canto
In timore serviendo,
Ego hymnum tibi psallo
In timore exsultando,
Tibi gratias nam ago
In amore te timendo.