34. De sancto Gaudioso.

In 1. Vesperis.
Antiphonae.

1. Sedenti super cathedra
Exsultet cum ecclesia

Populus clamore,
Agens laeta sollemnia
Et iubila praeconia

Plena devotione.

2. Lux exorta rutila,

Cum sacra carnis germina

Pullulant splendore,
Sicque doctrina varia
Cumulat suspiria

Fervida amore.

3. Rosam rubentem obtulit
Finiens per incendium
Vitam Christo, cui credidit,
Et puritatis lilium.

4. Agmina prae ceteris
Laudent Salernitana
Pro tanti patris culmine
Voce cotidiana.

Ad Magnificat.

A. O stupor, o gaudium,
O dator caecis luminum,
O claudis gressum praevium,

Miserorum auriga,
Consors existens superum,
Specta praesens exsilium
Et lacrimarum gemitum,

Egentium quadriga.
Fuisti pastus pauperum,
Saginatio inopum,
Abiectorum solacium

Et daemonum pedica,

Ad devotum collegium
Converte mentis oculum
Et pietatis viscera,

Nos Christo monte dica.

In 1. Nocturno.
Antiphonae.

1. Hic vir anachoriticae
Perfectionis forma,
Contionis ierarchicae
Micuit quasi norma.

2. Excelsi dextra copiam
Charismatum effudit,
Mentis intellegentiam
Per saecula diffudit.

3. Mansuescit humiliter,

Dum Christum imitatur,
Celso throno sublimiter
Patribus sociatur.

4. Pertractum ad altaria
Sedule celebrantem
Laeva monstrat taeterrima
De caelis acceptantem.

5. Iam liber manu mutila
Fervet devotione,
Dextera fulva rutilat
In consecratione.

6. Ductus ad sacrificium
Per angelum monetur,
Ut sacrum ministerium
Assensus celebretur.

1. Produxit auctor omnium
De stirpe puellari
Mirum clare praeludium

De genere iegali,
Habet tenellum vasculum
Sanctitate mentali;
V. Paci iunctum amabili
Orbi monstrat vertibili
Lucem et divinali.

2. Leprosum illum sordidum,
Putri caduco corpore
Qui carne defluebat,
Factum mundi spectaculum
Abstersa cutis sanie
Saliva liniebat ;
V. Sanat perfecte languidum
Omni propulso vulnere,
Dum ipsum abstergebat.

3. Optata sapientia

Venit per abstinentiam

Ingentis Salomonis,
Spernit et lefulgentiam,
Orbicularem gloriam
Imaginis decoris,
V. Carnem mundumque conterens,
Vectem nudatam deferens
Tractu devotionis.

4. Mundi contemptor exstitit
Culmen indignum suscipere
Se fatur subditorum,
Quem praesul grate recipit,
Verbo salutis adfiuit
In ordine polorum,
V. Gemens alta suspiria
Multiplicat, oracula
Cum pilis camelorum.

In 2. Nocturno.
Antiplionae.

1. Cor pietatis gratia
Ad plene delibutum

Saccum phnum pecunia
Ostendit distributum.

2. Panem salutis attulit
Famelicis ac stratis,
Angelus lucis obtulit
Sacculum pietatis.

3. Ut novis alimoniis

Cessavit famis pestis,
Suffecit elemosynis
Saccus ille caelestis.

4. Audit hoc sanctissimus
Pietatis custos,
Sed agit promptissimus,
Consolatur maestos.

5. Trahe nos ad sidera,
Pater invocate.
Cordis desideria
Replens bonitate.

6. Ponit in caelestibus.

Sed non in pertusum.
Quod datur pauperibus
Per nomen diffusum.

Responsoria.

1. Gaudiosus in publicum
Verba vitae serendo,
Factus praeco caelestium

Populum admonendo,
Stabat ad puerperium
Mulier pariendo,
V. Supplevit lumen caelicum
Flagrans mentis incendium
Sic distans audiendo.

2. Leprosis praestat oscula.
Irradiata plantula

Servit et sauciatis.
Frangit domat[que] vitia,
Auget superna opera
Indagine claritatis;
V. Sidus clarum emicuit,
Procul sermo insonuit
Apice veritatis.

3. Functus gradu authentico,
Vultu nitens angelico
In veste pastoralis
Spreto pravo consortio
Oves redimit otio
Cultro pontificali.
V. Mulierum munuscula
Fugit et eius oscula
Pro vita virginali.

4. Cibum flexis proplitibus
Assidue pauperibus

Non cessat ministrare.
Sicque praelatus altius
Humilitatis actibus
Nitet in praedicare,
V. Quam summi patris filius
Peroptat sed in melius
Pro cunctis laborare.

In 3. Nocturno.
Ad Cantica.

A. Vernat in miraculis,
Dum esset viator,
Nunc profundit singulis
Sistens contemplator.

Responsoria.

1. Cum sinistram purrissimam
Mulier osculatur,
Extunc per noxam flammeam

Sancti mens titillatur,
Capit cum dextra rompheam,
Sinistra resecatur.
V. Manum illam obnoxiam
Per vocem evangelicam
Tollit, dum stimulatur,

2. Dum sanctus hic ut mutilus

"

Desiit celebrare,
Insolitum hoc populus

Coeperat mussitare,
Sed latens mentis gemitus

Pavebat revelare,

V. Cum manum nigram angelus
Ferens missus caelitus
Iubet sacrificare.

3. Draco ille teterrimus,

Qui virus fundens noxius
Omnem hanc regionem
Vastabat ferus pessimus,
Flatu necans pestiferus,
Vomens contagionem.
V. Hunc sanctus celeberrimus
Fugat pulsum remotius
Per solam iussionem.

4. Atrox famis inedia

Exinanitum populum
Consumens perimebat.
Victus omnis inopia
Panis tollens edulium
Pariter defluebat;
V. Motus misericordia
Pro plebis alimonia

Cuncta distribuebat.

In Laudibus.
Antiphonae.

1. Dum Gaudiosus praeviis
Orationum studiis

In Domino confisus,
Inter arma micantia
Se in salutis foedera

Est athleta provisus.

2. Hic concites ad proelium
Et ad mortis excidium
Cives Beneventanos
Flectit ad pacis vinculum
Per solum iussum caelicum
Contra Salernitanos.

3. Tres tenet in prodigiis
Ordines: miraculis

Potestates pellit,
Feritates iaculis,
Largitate muneris

Daemones expellit.

4. Doctus per flamen spiritus
Se dedicavit funditus

Servire creatori,
Spernens mundum penitus,
Donis perfusus caelitus,

Innixus redemptori.

5. Laudans in cordis iubilo
Decachordo psalterio

Melodi symphonia,
Hacc est plena devotio
Gaudiosi praecordio

Exsultans melodia.

Ad Benedictus.

A. O praesul fragrans meritis,
Spretis ad plenum deviis
Et abiectis lasciviis
Ac mundanis illecebris

Carne maceratus,
Refectus exstas praemiis
Illis summis collegiis
Sociatus aethereis
Et civibus caelicolis

Rosis laureatus ;
Nobis assis miseris
Et pressurarum taediis,
Lacrimarum profluviis,

Pater, miseratus.

In 2. Vesperis.
Ad Magnificat.

A. O virum mirabilem,
Cuius vestis in liquidis
Undis exstat vehiculum

Quasi navis perfecta!
Fugiebat a perfidis,
Deferens sancti pallium,
Super ipsum stanssolidum

Aqua tunc refecta.
Aciem verte luminis
Ad peccatorum barathrum,
Ne immergens periculum,
Labae praecipitium

In plebe sit subiecta.

Per Octavam.
Ad Magnificat.

A. O lumen ecclesiae,

Doctor veritatis,
Pontifex egregie,

Norma caritatis,
Aquam sapientiae

Propinasti gratis,
Praedicator gratiae,

Nos iunge beatis.