34.

1. Jubilemus singuli

Carmina proruentes,
Festa tanti parvuli

Crebro recolentes,
Ejus nam nativitas

Fons redemptionis,
Omnibus est caritas

Haud malis, sed bonis.

2. Natus est de virgine

Cum humanitate,
Absque viri semine

Salva puritate,
Pertulit inopiam

Sponte princeps natus,
Negat rerum copiam

Foeno praesentatus.

3. Inter animalia

Est praesepe missus,
Quem nec vestis varia

Texerat nec byssus,
Coelum regit, aethera,

Pontum, terram, mare.
Barathrum et sidera,

Quae refulgent clare.
4. Fere quosque sumpserat

Plebium defectus
Propter nos, qui fuerat

Omnibus perfectus,
Firmae patientiae

Speculum ut daret.
Universis sordibus

Sicque nos purgaret.

5. Denique turpissimam

Mortem degustavit,
Creaturam infimam

Per quam sublimavit,
Morte non indiguit

Christus rex coelorum,
Qui subire voluit

Tormenta malorum.
6. Imploremus igitur

Corde sitibundo
Monarcham, quo regitur,

Quidquid est in mundo,
Ut coeli palatia

Nos det speculari,
In aeterna patria

Secum combeari.