36 PANORMITANA

clesiastica, ultra numerum a lege civili decretum ; et ideo iidem ab optione repelluntur, neque limitem imponere pos- sunt liberae electioni, ad quam ius habet regius patronus. Et ideo, prosecutus est Minister, ad conciliandum modum pro- videndi Praebendis istius Capituli, et eliminandi omnem diffi- cultatem in subiecta materia, ternani exhibere posset E. V. in qualibet vacatione , in qua comprehendatur etiam vir aliquis ecclesiasticus, qui canonici honorarii qualitate careat. Gubernium istorum requisita ponderando, maximi faceret iudicium E. Vestrae; ita tamen ut obsequium hoc, erga auctoritatis ecclesiasticae sententiam, non habeatur exercitii iuris instar, quod eadem non habet.

Hanc propositionem Emus Praesul accepto habere per lit- teras significavit Ministro pro negotiis cultus.

Hiusmodi conventio comunicata capitulo fuit, quod eam ac- ceptam habuit : et exinde, iuxta ipsam, beneficia suis titula- ribus provisa sunt, et omnia in pace fuerunt usque ad an- num 1887. Quo tempore, Ianuario mense, vacato ex morte sacerdotis Polito Cantoratu, Emus Archiepiscopus tres sa- cerdotes de more gubernio praesentavit, Iacobum Daddi Au- xiliarem Episcopum et canonicum, Petrum Boccone et Igna- tium Zuccaro utrumque pariter canonicum. At nullum ex his gubernium nominavit, sed Ignatium Pasqualino - Pilo, eiusdem cathedralis archidiaconum, qui, inconsulto Ordinario, extemplo Romam petierat, et precibus et commendatitiis , haud semper aequioribus, quod exquisierat, die 16 Iunii eius- dem anni tandem obtinebat.

Hunc tamen instituere recusavit Emus Ordinarius : qua- propter ipse ad S. C. C. provocavit. Interim vero romanum iter denuo arripuit, ut institutionis gratiam a S. C. C. facilius coram obtineret, simulque aliam vinceret litem circa praecedentiam, quam in choro praesumebat prae auxiliari Epi- scopo. Sed neutrum obtinuit; obtinuit autem ut a gubernio pensio 3, 700 libellarum super vacantis Cantoratus reditu sibi daretur.

Exinde Panormum redeunte Pasqualino S. C. Rituum