36 ANDRIEN.

Notare non negligit patronus, quod omnes mansionarii convenerint ad erectionem expostulandam « Gratia concedenda videtur in casu, quia omnes conveniunt ad eam expostulan- dam », ait rev. P. Secretarius S. C. O. et ipsi mansionarii fatentur in instantia Maii 1892, quod antequam fieret nova erectio de sententia rogati fuerunt mansionarii honorarii. Probe intelligitur quod hi libenter exceperunt obla- tam occasionem. Quocirca minime dubitari potest de consensu amplissimo, quem praestiterunt adversarii, ac de notitia rerum, quas mansionarii habuerunt.

Demum, urget Orator, nulla adest causa, ob quam sit reformanda decisio diei 24 Iulii 1886. Et revera tota ratio adversae petitionis in eo posita est, ceu aiunt mansionarii, quod eorum collegium fuerit surrogatum antiquis mansionariis participantibus. Unde praetendunt augmentum dotis, au- gmentum massae missarum, et ius accrescendi casu vaca- tionis.

At instantiam laborare falso supposito, contendit patro- nus, quia praesens collegium est novissima erectio et institu- tio a Capitulo petita et obtenta in commodum et decus eccles, cathedralis et utilitatem Cleri andriensis, et longe distat ab antiquis mansionariis participantibus, improprie dictis. Id apprime patet ex praemissis ad decisionem, atque ab ipsa decisione. Siquidem gratia reductionis missarum impetrabatur ad effectam erigendi verum collegium mansionariorum y et ita porro novum beneficiatorum collegium nuncupatur passim in folio ex officio. Proinde in decisione 24 Iulii 1886, ne verbum quidem habetur, quod indicet praesens collegium fuisse surrogatum antiquis mansionariis. Quin imo in ea ex- presse appellatur nova collegii constitutio.

Iuxta patronum, idem confirmat diversitas onerum huic novo collegio impositorum. Porro praesentes mansionarii te- nentur ad chori servitium, ad celebrationem missarum, con- ventualium utcumque capitularium per turnum, ad recitandas lectiones, ceu veri mansionarii seu hebdomadarii obligantur, et quod maius est, a die possessionis percipiunt, praebendalem