36 EX S. G. CONCILII

feriores ; quum hoc ius sibi privative attribuere non dubi- taverit idem Imperator. Hunc mutatus est deinceps Au- striae Imperator, qui antea decreto diei 15 Iulii 1815 ius sibi irrogavit eligendi canonicos ac capellanos, et postea, decreto diei 10 Aprilis 1817 sibi retinuit ius nominandi ca- nonicos, iubens capellanías ab episcopo conferri.

Res ita se habuerunt usque ad a. 1855, quo inita est concordia Austriae Imperatorem inter et Pium IX ; et in art. 22 cautum est : « In omnibus metropolitanis seu ar- chiepiscopalibus suffraganeisque ecclesiis Sanctitas S. pri- mam dignitatem conferet, nisi patronatus laicalis privati sit, quo casu secunda substituetur. Ad ceteras dignitates et praebendas canonicales Maiestas Sua nominare perget, ex - ceptis permanentibus iis, quae liberae collationis episcopalis- sunt, vel i,uri patronatus legitime acquisito subiacent ». Ast non diu viguit haec lex, quum a. 1859 dominationem ha- rum provinciarum gubernium italicum acquisierit. Hoc etiam suas edidit leges rerum ecclesiasticarum eversivas, et ca- nonicatus ad duodecim, capellanos autem ad sex reduxit ; collationes vero beneficiorum non sibi attribuere visum est. Quapropter, referunt capitulares, se iam ab a. 1866 in iu- dicium apud H. S. O. vocasse episcopum, ut sibi conferendi canonicatus et praebendas ius vindicarent, iampridem a suo exercitio prohibitum ob spoliationes civilis potestatis. Eius- modi intentio capituli visa est ab omni difficultate expedita in sua executione, quia a. 1871 edita est lex , cui titulus « Delle guarentigie », statuens omnia beneficia quae pro- prie non essent subiecta regio patronatui, relinqui collationi ordinariorum collaturum. Nihilo secius episcopus resistebat petitioni canonicorum, contendens capitulum e suis iuribus cecidisse, eaque in episcopum fuisse translata. Haec quae- stio inter alias agitata est in plenariis comitiis H. S. C. die 20 Iulii 1878, et rescriptum prodiit quo exquirebantur potiores probationes ; at revera lis siluit usque ad praesens tempus, et quum res componi pacifice non potuisset, modo- partium procuratores has dubitandi formulas contestati sunt::