34. In Dedicatione Ecclesiae.

1. Pretiosa dies,
veneranda

2 a. Nimisque collaudanda,
patri summoque
excelso consecrata,

2b. Quem resonant organa
simulque cuncta
omni cum symphonia.

3 a. Mens humana

sensusque Deo nostro
namque sunt accepta,

3 b. Per haec festa
dicata ex huiusque
saxibus exstructa.

4 a. Aedificata est enim
structura
haec aula perfecta;

4b. Claritas perpetua hinc
refulget
per cuncta saecula.

5 a. Ergo petimus,
''Suscipe, laus
angelorum, laudum
carmina lacta
''ac nova,

5 b. Celsa gloria,
''Prece, voto
supplici nostra quae
mittit caterva
''plurima.

6 a. Clangunt boantes carmina
angelica

Deo concrepantes
milia

6 b. Incessanter clamantia,
ardentesque
Deo propinquantes
ad throna.

7 a. Et archangeli te collaudant
incendentesque nunc adorant
vestigia ;

7 b. Cherubim quoqueac Seraphim,
quanto intuentur plus, magis
inflammantur.

8 a. Regum regi

voce simul proclamant in
aeterna patria:

8 b. Deus noster,

caelorum Iesus salvator,
qui cum patre manet.

9 a. Plebsque [haec] nonnulla
''Te collaudans adorat,
sancte rex, in hac aula.
''Pia nam corda

9 b. Ad te clamantia,
''Et dona per saecula,
sancta tabernacula,
''Laude condigna.

10 a. Hodie voce
assidua

precamur te, Domine
Christe rex, supplices,

10 b. Ut largiaris
nobis magna
in aeterna gloria
regna perpetua.

11a. Clemens,

gloriosus rex, petimus,
ut miserearis nobis,
conditorque mundi:

11b. Cumque

veneris ultimum diem,
collocare digneris nos
ad tuam dexteram.

12. Fac nos gaudere tecum
in aeterna caeli regna.