Ex Secretaria Brevium

TITULUS II.

De Congregatione.

VI. Congregatio constat Praeside, sacerdotibus octo e clero romano

et parochis octo, quorum quatuor e clero saeculari, quatuor e regulari.

VII. Eadem Congregatio, pro maiore numero tacitorum suffragiorum,

nominat pro-praesidem, a secretis, curatorem pecuniae, seu Camerlin-

gum, tabularli praefectum, rationum exactores duos, seu Syndicos ; qui

omnes ex eorum numero eligendi erunt, qui ad ipsam Congregationem

pertinent.

VIII. Munera et officia exercentur non ultra triennium ; nec proxima

electio in eosdem cadere potest.

IX. Exacto triennio, dimidia pars Congregationis alterna vice reno-

vatur; hoc est, sufficiuntur e clero romano novi sacerdotes quatuor, pa-

rochi totidem, quorum duo e clero saeculari, e regulari duo.

X. Ad memorata munia novi eliguntur pro maiore numero suffra-

giorum, quae ab ipsa Congregatione occulta feruntur super numero vi-

rorum sexdecim a Praeside proponendorum, quo in numero compre-

henduntur octo qui de officio decedunt.

XI. Congregatio semel in mense habet ordinarios coetus. Integrum

tamen est Praesidi extraordinarios cogere, si opportunum duxerit, vel si

saltem quatuor Congregationis Delegati scripto petierint.

XII. Ad ratos legitimosque coetus habendos adstare necessario debent

saltem duodecim socii cum Praeside.

In secunda convocatione, quae saltem tridui spatio a priore distabit,

ratus legitimumque coetus erit, quovis numero adstantium.

XIII. Ut rata et probata sint quae in coetu proponuntur, maior suf-

fragiorum numerus requiritur. Paribus suffragiis, Praesidi ius esto alte-

rius ferendi suffragii.

XIV. Quidquid consilii, sive de viris sive de officiis alicui deferendis,

erit ineundum, id ne decernatur nisi tacitis suffragiis.

XV. Dies coetibus habendis resque ad deliberandum propositae scripto

significabuntur per scribam qui est a secretis, ab eoque triduo ante con-

stituai tempus diribebuntur.

XVI . Unicuique Congregationis Delegato quaestiones proponendi ius

esto, quas tamen agitare non ante licebit, quam inscriptae fuerint elencho

rerum excutiendarum.

Urgente necessitate, de qua iudicium feret Congregatio, poterit, non

interposita mora, de propositis rebus deliberari.