35. Dominicis Diebus.

1 a. Profitentes unitatem
Veneremur trinitatem
Pari reverentia.

1b. Adoremus ascendentem
Christum, caelo venientem,
Plenum omni gratia.

2 a. Dies festa celebratur,
Dominica vocitatur
Pro magno mysterio,

2b. Quoniam sanctificatur
Dies ista et dicatur
Christo, Dei filio.

3 a. Ipsa dominica die
Christus filias Mariae
Natus esse monstratur ;

3 b. Ipsa dominica die

A morte plenus gloriae
Surrexisse creditur.

4 a. Advenit ignis divinus,

Quem flamma non lucens minus
In linguarum specie,

4 b. Spiritus sanctus Dominus,
Septiforme suum munus
Suis dedit hodie.

5 a. P rima luce mundum fecit
Vetustumque renovavit,
Ut nova sint omnia;

5b. Prima die lux effulsit,
Christus nos illuminavit
Veniens in propria.

6 a. In scripturis figuratur
Dies ista et signatur
In sabbati requie 5

6b. Servitutis prohibetur
Opus, ut Deus oretur,
Praeceptorum serie.

7 a. Fidelibus contemplari,
Orare et revereri
Sanctam eucharistiam

7 b. Praecipitur, praedicari
Verbum Dei et audiri
Ad divinam gloriam.

8 a. Renascamur cum nascente
Christo baptismi virtute
Ut nova creatura;

8 b. Resurgamus morte culpae,
Quia mors est Christi morte
Absorpta victoria.

9 a. Et in fide gloriemur
Et in una modulemur
Fidei constantia ;

9 b. Trinitati praesentemur,
Unitati sociemur,
Cui laus et gloria.