34. In Circumcisione Domini.

1. Novus annus, dies magnus

Assit in laetitia,
Lux aeterna de superna

Venit ad nos regia,
Culpam saevae matris Evae

Sola delet gratia.

R Quia sic genitor

paradisi Adam,
Protoplasma suum,

vexit ad patriam
Crucis supplicio

reparando viam.

2. Omnis homo sacra domo
Propagate Domini,

Consecrate vel signate
Suo sancto nomini,

Gratulare et laetare,
Salus datur homini.

R Quia sic genitor
Paradisi Adam,

Protoplasma suum,
vexit ad patriam

Crucis supplicio
reparando viam.

3. Ad haec festa, Christe, praesta
Cuncta nobis prospera,

Qui gubernas res supernas
Iura tenens omnia,

Istum chorum clericorum
Tua salvet dextera.

R Quia sic genitor

paradisi Adam,
Protoplasma suum,

vexit ad patriam
Crucis supplicio

reparando viam.