37. De Visitatione BMV.

In 1. Vesperis.
Antiphonae.
1. Aeteini patris filius
Mariam concupivit
De sanctorum splendoribus
In matrem introivit.
2. Lilium convallium

Fraglans in odorem
Iter ornat montium
Ferens caeli florem.
3. Paradisus caelieum
Fructum afferebat,
Gravidae qui puerum
Gaudio replebat.
4. Lucernam veri luminis
Dominus accendit,
Quo dragmam nostram perditam
Salvans apprehendit
5. Conforta, mater, filios
Simul et veracem
Totius Hierusalem
Ponens fines pacem.
Ad Magnificat.
A. Psalterio decachordo
Psallit virgo regia,
Dominum magnificando,

Qui fecit magnalia ;
Pellens potentes de sede

Divina justitia
Servos humiles exaltans
Ex misericordia.

Ad Matutinum.
Invitatorium.
Reginam caeli gloriae
Devote collaudemus,

Matrem misericordiae,
Venite, adoremus.

In 1. Nocturno.

Antiphonae.

1. Pater matris filio
Singula subjecit,
Ex infantis gaudio
Laudem quae perfecit.
2. Sol in tabernaculo
Solus illucescit,
Dum sponsus in thalamo
Sponsae requiescit.
3. Haec est terra Domini,
Quam ipse fundavit
Germineque filii
Sui fecundavit.

Responsoria.

1. Elisabeth ut virgini

Senectus praesentatur,
Hanc voce venerabili

Salutat, amplexatur,
Intacta mater sterili

Matri congratulatur.

V. In sacris claustris viscerum

Praecursor puer puerum

Messiam protestatur.
2. Exsultat infans gaudiis

In spiritu Eliae,
Cujus mater mirabilis

Fit compos prophetiae,
Caeli manat deliciis

Introitus Mariae.

V. Propter arcam Domini
Benedixit domui
Deus Zachariae.
B. Benedictam praedicat
Senex portam spei,
Unde hoc, ut veniat
Ad me mater Dei,
Te loquente jubilat
Infans ventris mei;
V. Beata, quae credidisti,
Perficientur, quae audisti,
Ecce, signum rei.

In 2. Nocturno.

Antiphonae.
1. Stat in regis dextera
Gloriae regina,
Vide, regis filia,
Et aurem inclina.
2. Dei tabernaculum,
Quod ipse sacravit,
Ex te vitae fluvium
Cunctis derivavit.
3. Florida sterilitas,
Senex virtuosa,
De te. Dei civitas,
Dixit gloriosa.

Responsoria.
1. Laudis cum praeconio
Cultu singulari
Laetabatur cantico

Suo salutari
Cum pudoris lilio
Parens absque pari,
V. Nam debet ab omnibus
Generationibus
Beatificari.
2. Christi sanctuarium,
Spiritus sacrarium,

Mater pietatis,
Praegnanti solatium,
Cognatae subsidium
Administrat gratis,
V. Sic Maria nobilis
Formam vere singulis
Dat humilitatis.

3. Digna, quam respiceret,
Cujus concupisceret
Dominus decorem,
Se velut pauperculam
Praebet et ancillulam
Post matris honorem ;
V. Nam virgo Christifera
Gratiarum munera
Refert in datorem.

In 3. Nocturno.
Antiphonae.
1. Per te, mater, omnis terra
cantat nova cantica
Laudans, quae perfecit Deus,
in te mirabilia.

2. Per te lux est orta justis
et rectis laetitia,
Sion, audit et laetatur
cum Judaeae filia.
3. Dum coepit virgo salutare
senem piis vocibus,
Missum suum salutare
notum fecit Dominus.

Responsoria.

1. Felix parens

et puerperium.
Quibus adest

regina virginum,
Ibi nequit

esse periculum,
Ubi salus,

quae curat saeculum ;
V. Gabrielis

juxta praesagium
Tunc est natum

multorum gaudium.
2. Gloriosa

caelorum domina,
Sponsa regis

et mater inclita,
Caeli melos,

mundi fiducia,
Nostra clemens

audi precamina;

V. Stella maris

occasus nescia
Placa nobis

mundi certamina.
3. Regalis stirpis virginem
Ob sui pulchritudinem

Rex summus adamavit,
Clandestinum connubium
Infans per matris uterum
Exsultans revelavit.
V. Joseph, noli metuere,

Quod natum est a conjuge,
De spiritu manavit.

In Laudibus.
Antiphonae.
1. Scandit montes
aurora gratiae
Luce fulgens

caelestis gloriae,
Justis ferens

solem justitiae
Diem monstrat
novae laetitiae.
2. In concursu

matrum cum gaudio
Praeco parvus

carens eloquio,
Servus regem

noscens in utero,
Puer infans
colludit puero.

3. Senex plena

caelesti munere
Rorem fusum

cernens in vell ere,
Flammam ignis

rubum non urere,
Jesse virgam

clamat florescere.

4. Salvatoris

conceptus panditur,
Virgo pura

mater efficitur,
Benedicta

praedigne dicitur,
In qua vitae

fructus exoritur.

5. Mater pia,

plena virtutibus,
Deum laudat

fervore spiritus
Ipsi psallens

cum laetis vocibus,
Quod respexit

ancillam Dominus,

Ad Benedictus.

A. Redemptor rex Israel

venit in virgine,
Repletur Elisabeth

sacro spiramine,
Prophetat puerulus

in rerum ordine,
Miranda fit novitas,

laus tibi, Domine.

In 2. Vesperis.

Ad Magnificat.

A. Exsultat virgo virginum

in Deo salutari,
Confortans semen Abrahae

gratia singulari,
Quod patribus promissum est,

in fide regulari,
Verbum de caelo missum est

in radio solari.