38 MASSILIEN.

Neque urbi Massiliae tantum apostolatum huiusmodi circumscri- psit, sed ad propinquas omnes urbes et oppida extendit, brevi ad universam Galliam propagavit, quin usque ad extremum Orientem, ad Indicas plagas, ad Americae oras produxit.

Haec tamen omnia, quae Servae Dei aetate obtinuerant, non- nisi prodromae erant significationes nobilissimi cultus, quem ho- die per universum fere catholicum orbem extensum et summa populorum pietate celebratum merito gratulamur. Nec ipsam latuit futurum incrementum eiusdem cultus, licet idem Romae ob quamdam novitatis speciem non exiguas oppositiones adhuc experiretur. Et revera haud ita multo post obitum Servae Dei Sacrorum Rituum Congregatio sub Clemente XIII concessit ap- probationem festi in honorem SS. Cordis, nec non Officium et Missam propriam, quae antea recusaverat; quousque sa. me. Pius Papa IX, ad preces Gallici Episcopatus, festum SS. Cordis in Romanam Liturgiam induxit, per decretum diei 23 augu- sti 1856. Ex ea die cultum SS. Cordis Iesu iis incrementis au- ctum et exornatum conspeximus, quae maiora iubent sperare futura. Huc missio Sororis Annae contendebat. Et si primi ho- nores de inducto in Ecclesiam Dei cultu Divini Cordis merito debentur B. Margaritae Mariae Alacoque, quae primam prome- ruit revelationem de eodem inducendo, pone eam sequitur So- ror Anna Magdalena Remuzat, divinitus electa ad promovendam publicam fidelium pietatem erga ipsum cultum. Qui, in Mona- steriorum limitibus antea delitescens, zelo et opere Servae Dei nostrae in massiliensi urbe et in Gallica natione universa pri- mum sese explicuit, indeque in Christianam Rempublicam di- manavit.

Quo autem virtutum splendore Divini Amantis oculos ad se traxerit Serva Dei, quo caelestium charismatum apparatu me- ruerit honestari, ex dicendis de heroicis virtutibus et de donis supernaturalibus apprime perspectum erit.

De Virtutibus Theologalibus.

De Fide.

Integra Servae Dei vita tanto fidei spiritu fuit informata ut nulla in ea actio deprehendi possit, quae huiusmodi lumine non clarescat. « Era cosa facile vedere, dice la Madre Nogaret, che