29.

Item de Nativitate D. N.

1. Nobis est natus hodie

De pura Virgine

Rex Victoriae,

2. Ideo nos terrigenae

Laudemus hodie

Regem potentiae.

3. Cui sol et aethera

Luna et sidera

Veniant per tempora.

4. Ob hoc nunc pangamus

Ei omnes et singuli

Cum voce chorali.

5. Laudantes nostrum Dominum,

Mariae filium,

Regem humilium.

6. Ut dentur nobis praemia

Magnaque gaudia

In coeli curia.

7. Cui laus et gloria,

Honor, Victoria,

Per cuncta saecula.