35. In Letaniis Majoribus.

R Votis supplicibus voces super astra feramus,
Trinus ut et simplex nos regat omnipotens.

1. Sancte pater, juva nos,
Sancte fili, salva nos,
Campar his et spiritus,
Junge nos intrinsecus.

2. Sancta mundi domina,
Stella maris Maria,
Tu pro nobis filium
Ora, Christum Dominum.

3. Summa sedis minister,
Quis ut Deus, Michael,
Cum supernis civibus
Sis nobis propitius.

1. Praeco Christi Johannes,
Agni Dei ostensor,
Redemptoris baptista,
Tu nos Deo commenda.

5. Sancte Petre ac Paule
Cunctique apostoli,
Vos orate pro cunctis
Christianis populis.

6. Juncti sancto Stephano
Universi martyres,
Estote auxilio
Populo catholico.

7. Sancte Galle, succurre,
Sancte Ottmare, subveni,
Nos cum confessoribus
Adjuvando precibus.

8. O martyr Felicitas
Cohors atque virginum,
Postulate pro nobis
Majestatis Dominum.

9. Omnes sancti Domini
Angeli et homines,
Vos ad aures divinas
Ferte preces sedulas.

10. Ut nobis remissio
Peccatorum donetur,
Aeris temperies
Terraeque fertilitas.

11. Pacem nobis imploret
Vestra intercessio,
Sanitatem corporum
Et perenne gaudium.

12. Ut famem et morbi vim
Amovere dignatur
Omnipotens Dominas,
Obtinete precibus.

13. Ut saeviens gladius
Et paganus populus
Depellatur a nobis,
Te rogamus, Domine.

14. Ut pastorem tueri

Nostrum velis et clerum,
Omnes simul oramus,
Jesu Christe, audi nos.

15. Ut rex noster Henricus
Ejus et exercitus
Hinc et inde servetur,
Oramus, Christe, audi nos.

16. Ut cruore redemptum
Pretiosum populum
Conservare digneris,
Qramus, Christe, audi nos.

17. Animas catholicas
In aeterna requie
Confoveri jubeas,
Oramus, Christe, audi nos.

18. Omnes tibi canimus,
Universi clamemus
Vocibus et cordibus:
Oramus, Christe, audi nos.