38. De Visitatione BMV

In 1. Vesperis.
Antiphonae.
1. Properavit virgo mater,
Ducit hanc supernus pater
Visitare sterilem.

2. Haec via ibat levigata
Fructu ventris impraegnata
In montana veniens.
3. Jam subiit domm hilarem
Elisabeth, quam sterilem
Fecundavit Dominus.

4. Laetus infans exsultavit,
Clausus ventre jubilavit
Johannes suo Domino.
5. Ille venit nuntiare
Toti mundo salutare,
Jesum Dei filium.
R. Veni, decus virginum,
Veni, manna dulcissimum,
Ostende patrocinium
Nobis ferens auxilium;
V. Clausus Johannes utero
Mira promit cum jubilo
Praesentiens mysterium.

Ad Magnificat.

A. Patent magna sed stupenda,
Anus clamat: o miranda,
Unde hoc meo nomini

Potuit esse datum,
Ut me mater Domini

Veniat visitatum.

Ad Completorium.
Super Psalmos.
A. Visitavit

Virgo uxorem,
Salutavit

Junior seniorem.

Ad Nunc dimittis.
A. Ad me venit

Mater salvatoris,
Qui me fecit

Sui matrem praecursoris.

Ad Matutinum.
Invitatorium.

Christum regem adoremus,
Cujus matrem sociemus
Visitantem sterilem.

In 1. Nocturno.
Antiphonae.

1. Postquam virgo salutatur,
Conceptura nuntiatur
Hunc, cui salutis est nomen
Et admirabile numen.

2. Visitavit virgo mater
Matrem fecundosam.
Quam fecundavit Deus pater,
Cujus caeli enarrant gloriam.

3. Certum est testimonium
Virgini beatae
Dato sibi indicio
Elisabeth cognatae,
Cui fructum dat altissimus
Orbis terrarum Dominus.

Responsoria.

1. Ave cum dixit angelus
Virgini beatae,
Admirans illa obstupuit

Saluti visitatae,
Quia modum nescil,
quo foret salutata ;
V. Referentis angeli sermone

Virgo est turbata.
2. Cor titubans eloquium
Confirmat testimonium
Datum sibi per angelum
Per Elisabeth senium ;
V. Haec dum in sermonis
turbatur eloquio,
Miro confortatur
et vero testimonio.
3. Jucundata est Maria
Fide structa spiritali,
Quam nunquam deseruit,

Sed firmius radicavit
Sibi dato senio
Elisabeth testimonio.
V. Ea, quae dicta
Sunt per angelum,
Ut pareret Dei filium,
Missus demonstrat clarius.

In 2. Nocturno.
Antiphonae.

1. Cordis laudem jubilosam
Virgo mater promulgavit,
Cum salutat pie annosam,
Dulce verbum eructavit.
2. Re congaudet facta mater
Sterilis in senium,
Adesse noscens nostris malis
Deum virtutis et refugium.

3. Infans iste, quem concepi
Praeconem tui filii,

Exsultavit, ut percepi,
In voce matris Domini,

Quae mons est et fundamentum
Firmae nostrae fidei.

Responsoria.

1. Plena virgo gratia

Spiritus superni,
Filio jam gravida

Patris sempiterni,
Certa surgit de nuntio,

Ut in montana properet,
Et summo cum tripudio

Cognatam senem visitet.
V. Incedit virgo, mater salvatoris,
Nullo gravata pondere,
Sed onere
Leviata pudoris.
2. Superna petit, quae concepit
Verbum, Dei filium,
Laeta pro voto mysticum
Nobis praebens auxilium,
Ut celsa virtutum convallibus
Quaeramus et lilium ;

V. Fide, spe et caiitate

Virgo gressus dirigens
Pergit, sua sanctitate

Exemplum nobis exhibens.
3. O gloriosa domina,
Excelsa supra sidera,
Tu nam fecunda sterilem
Puellaque vetulam
Dignata es visitare,
Ut castitatis habitum
Monstrares per obsequium

Humilitatis.
V. Patet, ut quo

virgo sit castior,
Eo decet,

ut sit humilior.

In 3. Nocturno.
Antiphonae.

1. Visitanti limina

Vetulae cognatae
Laudem cum matre Domini
Domino cantate.
2. Per tres menses Elisabeth
Maria visitavit,
In qua Jesus de Nazareth
Rex Dominus regnavit.

3. Vale, virgo sacratissima,
Et plus quam speciosissima,

Tu gloriosa filia,
Novum cantans exordium
Inclinasti Dominum,
Qui fecit mirabilia.

Responsoria.
1. Venit praegnans ad praegnan-
tem
Virgo, sed non ad virginem,
Latens sentit latitantem,
Rex visitavit militem,
Illa vocem sentit
Virginis beatae,
Clausus ille mysterium
Domini pi-obatae.
V. Salutem ut intulit
virgo facta mater,

Mira sentit sterilis

et infans in veritate.
2. Matrem sanctificat filius

Ante conceptionem,
Sterilem replet paraclitus

Post impraegnationem,
Nam sancto docta spiritu

Anus prophetat virgini
Dans benedictionem:
V. Benedicta tu a Domino

In generatione,
Quia tu credens angelo

Portans salvationem.
3. Ecce, vere beata,

Quae nec primam similem
Visa est nec habere sequentem,
Quia sola sine exemplo
Placuit virgo Christo ;
V. Sacerdote praestantior

Summum per amorem,
Cunctis virgo constantior

Correxit errorem.

In Laudibus.

Antiphonae.

1. Magnificavit Dominum
Maria, virgo beata,
Quae decorem regnans induit
Eidem sociata.
2. Tuus exsultavit spiritus
In Deo salutari,
Cui omnis terra jubilet
Laetitia singulari.

3. Ad Deum de luce vigilans,
Qui te fecit gloriosam,
Hinc te praedicant beatam
Omnes gentes gratiosam.
4. Benedicite opera

Vestro cuncta Domino,
Nam humiles, qui magna fecit,
Virginis erexit in praeconio.

5. Lauda tu de caelis,

Filia Sion, Dominum,
Qui misereri memorans
Se tibi dedit filium.

Ad Benedictus.

A. Super es summa, beata,
Quae credidisti, domina,
Angelo nuntiata,
Summe secreta, femina,
Quae sibi dixit Dominus
Plebem suam visitans,
Tuus benedictus filius.

In 2. Vesperis.
Ad Magnificat

A. Laeta pro voto surgens

Ut stella matutina,
In montana progreditur,

Ipsa virgo festina,
Quae dum Elisabeth salutat

In domo Zachariae,
Johannes infans jubilat

Fructu ventris Mariae.