30.
De novo episcopo.

1. Jam consurgunt pueri,
Surgunt et majores,
Qui nostri episcopi
Diligunt honores.

2. Quis est Iste pontifex
Cujus honor crescit,
Et decoris quantitas
Detrimentum nescit?
3. Mater ejus merito

Debet congaudere,
Quod tam probum filium
Meruit habere.

4. Noster est episcopus
Omni laude dignus,
Cum sua progenie
Largus et benignus.

5. Praesul venit, cedite,
Locum sibi date,
Et ejus vestigia
Pedum adorate.
6. R. Gaudeamus et psallamus
Novo praesuli,
Ad honorem et decorem
Nostri episcopi.