38.

1. Nova gaudia

Et nova studia

Et nova sint tripudia,

Nam nova sunt solemnia,

Novi regis praesentia

Fugant tristia,

Gaudeant omnia

Novo de pastore,

Praeclaro cantore.
2. Novis laudibus,

Novis cantibus,

Novis factis carminibus

In his novis natalibus

Novis plaudamus plausibus,

Nam salus omnibus

Facta credentibus

Christo mediatore,

Tanti boni datore.

3. Novi muneris
Et novi foederis
Et novi novum sideris
Refulsit lumen miseris,
Adveniens de superis,
Allevans hominis
Sarcinam veteris,
Existente victore
Superno creatore.

4. Adam corruit
Et poenam meruit,
Christi dum jussa respuit ;
Christus hoc nefas abluit,
Dum vestem carnis induit,
Solus qui potuit,
Nobis aperuit
Parvo facto factore
Pro lapso peccatore.

5. Nova dictio
Et nova visio
Datur hoc natalitio,
A quo nostra salvatio
Venit et liberatio.
Jam cum silentio
Legatur lectio,
Tacente conductore,
Benedicto lectore.