40 ANDRIEN.

tamen ut derogando pro hac vice legi concursus, investiantur digniores ex hodiernis mansionariis, reservato iure reliquis praedictis mansionariis obtinendi pariter sine concursu man- sionarias primas vacaturas. » Quod quidem aperte demon- strant iuxta patronum, in animo EE. PP. certam fuisse opinionem, mansionarios honorarios constitutos in Andriensi Collegio post bonorum direptionem, eosdem fuisse qui antea iam ordinati erant. Nam illa verba « reservato iure » signi- ficare videntur ad mansionarias obtinendas omnes aequali iure iam instructos esse. Quod est falsum, ait patronus, quia mansionarii, post bonorum direptionem, reapse tantum ho- noris causa absque ullo iure ad reditus praebendales, hoc nomine decoraban tur.

Quam falsam opinionem instat Orator, nulli alii culpae vertendam esse, nisi canonicis, qui affirmarunt quidem in supplici libello, mansionariis, qui in ecclesia Cathedrali tunc temporis erant, nihil solvi ex massa missarum ; huius autem collegii originem silentio praeterierunt.

Quae si omnia rite enarrata fuissent, notat patronus, EE. PP. perspexissent, iniustum fuisse perexiguam 4250 li- bellarum summam hodiernis mansionariis addicere : eoque magis quod, si quis demoriatur e sex et viginti canonicis, quibus nunc constat Andriense Capitulum, quum alium in eius locum substituere non liceat ingravescunt mansionario- rium officia, conventuales missae frequentius celebrandae sunt, et tamen, increscente canonicorum mercede, qui partem mas- sae missarum defuncto assignatam nanciscuntur, ne obolum quidem mansionarii lucran tur; sed hanc iniustitiam S. C. C. haud plene animadvertere poterat, quae ius accrescendi, quo antiquus mansionariorum ordo fruebatur, profecto nesciebat.

Iamvero, urget Orator, « Aequum non est dolum suum quemquam relevare » I. 63 § 7 i ) , pro socio 17, 2. Hanc regulam, quam romani iurisconsulti ipsa rationis praecepta effingentes, inculcarent, Romani Pontifices libentissime am- plexi, illo sapientissimo effato expresserunt - « Mendax pre-

cator careat impetratis » cap. 20 de rescriptis. - Nec adversa-