37. De sancto Colomanno.

1. Caelestis te laudat chorea,
Christe, piorum
exsultatio vera ;

2. Huic consonans ecclesia
adplaudit iubi-
latione festiva.

3. Offert nam dies annua
votiva piis gaudia
per beati

Cholomanni sollemnia,

4. Laudanda cuius merita
aegris praestant remedia
cunctis pie

petentibus fidelia.

5. O qualis viri

sancti innocentia,
quae mundi sprevit
laeta vel nocentia !

6. Mitis et humilis
Iesu sequipeda
clarus heros fit
Ierosolymipeta.

7. At,. dum sequitur
Domini vestigia,
patibulo petit
poli fastigia.

8. Non fecit suo

proximo opprobria,
perpessus multa
supplicii genera.

9. Nunc victrici

in caelo gloriatur laurea.

10. Ut servulis

dona obtineat aetherea,

11. Summo regi fundat oramina,
cui sit laus, decus et gloria.