40. De Generatione Christi aeterna et temporali.

1, Nondum rerum serie
De primae materiae

Sequestrata gremio,
Immo prius etiam
Quam primam materiam

Sevisset creatio,

2. Fax aeterni luminis,
Totius originis

Radix et initium,
Lex et motus temporis,
Ex arcano pectoris

Genuerunt filium.

3. Hic est mens altissimi,
Cuius nequit exprimi

Mira generatio;
Hic est sapientia,
Qua creavit omnia
Deus in principio.

4. Hic est verbum patrium,
Verbum firmatorium

Caelorum et siderum,
Verbum, quod caro factum,
Verbum et quod intactum
Fecundavit uterum.

5. Salutare Domini,

Quod viderunt termini,

Puer natus hodie,
Cuius matris partui
Ostetricant strenui

Caeli cives curiae.

6. Vagit infans inclitus
In praesaepi positus

Inter animalia,
Pax in terris hominum
Et sanctorum ordinum

In excelsis gloria.

Caro, verbi socia,
Iungat nos Alleluia.