40. De Compassione BMV.

In 1. Vesperis.

Antiphonae.

1. Stabat mater anxiata

Juxta crucem filii,

Poenas volvens mente grata

Simeonis gladii.

2. Vultum gessit tremebundum

Et perfusum lacrimis,

Dum respexit sitibundum

Natum in suppliciis.

3. Linquens Jesum benedicta

Triste per concambium,

Acceptavit hinc afflicta

Zebedaei filium.

4. Vidit nato dum parari

Poenas in patibulo,

Haec a novo molestari

Coepit improperio.

5. A maerore dos tuere

Crucis per ludibria,

Christe, nostri miserere

Matris per suspiria.

Ad Magnificat.

A. Planctus fundis, o Maria,

Nam doloris prophetia

Tuam transit animam,

Corde martyr es sub cruce

Triumphante Christo duce

Per mortem turpissimam)

Dolor cessit,

Lux accrescit

Crucis per memoriam,

Dum surrexit,

Spem porrexit

Ad aeternam gloriam.

Ad Matutinum.

Invitatorium.

Voces ex praecordiis

Dulcisonas haurite,

Flentes poenam virginis,

Christicolae, venite.

In 1. Nocturno.

Antiphonae.

1. Nox insomnis ducitur,

In qua Christus patitur,

Virgo dum vigilias

Celebrat maestissimas.

2. Jesum dum discipulus

Tradit specialis,

Praeparatur gladius

Virgini poenalis.

3. A matris praesentia

Dum cessit dilectus,

Flet ex vehementia

Maternus affectus.

Responsuria.

1. Jucundare, condo.

Plausu symphoniae.

Colitur compassio,

Gemitus Mariae,

Lacta nam praeconia

Hujus philomenae

Celebrat ecclesia

Voto laudis plenae.

V. Turturis suspirium

Cur obliviscamur?

Virginis martyrium

Flentes amplectamur.

2. Hortus virens et conclusus

Emarcescit penitus,

Dum in horto fit detrusus

Matris unigenitus.

Huic oranti liquor sudit

Gravis et eruenteus,

V. Hanc Iumenti fluxus udat

Tremor et virgineas.

3. Peracto concilio

Caipbae in atrio

Catenatus ducitur,

Velatus illuditur

Jesus, mundi gloria,

Salvans nos a scoria:

V. Virgo, vellus maduit

Sacrum Gedeonis.

Cur afflictum tepuit

Lacrimarum donis.

In 2. Nocturno.

Aatiphonae.

1. Mator cum intuitur.

Hora tertiarum

Natus crucifigitur

Ungulis turbarum.

2. Cruce pressum poenis fessum

Flebilis erexit,

Coronatum, purpuratum

Virgo dum respexit.

3. Virgo videns flagellari

Et in cruce conclavari

Suum primogenitum,

Patienter sufferebat

Et constanter requirebat

Dextrae Dei digitum.

Responsoria.

1. Immolandus ligna gerit,

Patri parens locum quaerit

Patriarchae filius,

Cruce Christus oneratur,

Maesta mater comitatur,

Damnatur innoxius:

V. Dum Mariam hic respexit.

Consolatur, nam dilexit

Corde quamvis anxium

2. Virgine qui gignitur

lugenti tripudio,

Palam crucifigitur

Summo cum ludibrio ;

Inquit: Nato parcite,

Matrem crucifigite

Aut in crucis stipite

Utrosque configite.

V. Qui decorus oritur

Clara natione,

Heu, jam solus moritur

Ficta ratione.

3. Stella maris, candoris ebur,

speculum paradisi,

Fons veniae, porta

caeli, timor ast inimici,

Lapsis propitia,

caecis via, virgo Maria.

V. Ductrix caecornm

dulcis, memor esto tuorum.

In 3. Nocturno.

Autjplionae.

1. Natus pallet, conclavatus

Diro cruciamine,

Vultus squalet madidatos

Matris in certamine.

2. Vixit ut emortua

Facie polita,

Illi mors occidui)

Placet plus quam vita.

3. Quanta mirabilia

Deus patefecit,

Inter terribilia

Dum matrem refecit.

Responsoria.

1. Virgo pallent tuae genae,

Quando subdi crucis poenae

Vides unigenitum,

Spinae caput tunc contingunt,

Manus, pedes clavi stringunt

Nullum ob demeritum,

V. Te Judaei dolo cingunt

Suum ad interitum.

2. O Maria, porta vitae,

Videns pungi latus mite

Militari cuspide,

Maluisti sic turbari

Et cor tuum vulnerari

Ferro mortis trepidae,

V. Ut aeterna morte digni

Salvarentur hoc insigni

Salutari capite.

3. Diva sponsa, mater pia,

Virgo dulcis, o Maria,

Fac, quod hostem superemus

Et quod Deum collaudemus,

Qui per crucem et tormenta

Hostem stravit et lamenta

Revocat in gaudium.

V. O immensam deitatem,

Quae humanam pravitatem

Sustulit per filium.

In Laudibus.

Antiphonae.

1. Ligno crucis moriturus

Hostem saevum devicturus

Cum regnaret Dominus,

Vocem audit exclamantis,

Sese patri commendantis,

Mater adstans comminus.

2. Sola cum discipulo

Percusso pastore

Adstat flens patibulo

Cordis in angore.

3. Bellum movet caritatis

Suis rex vulneribus,

Curam praestet sauciatis

Virgo cum doloribus.

4. Constitutus in agone

Septem verba protulit,

Quae revolvens ratione

Virgo secum contulit.

5. Orbis tremunt elementa

Cum dolente virgine,

Carpunt luna, sol lamenta

Christi fuso sanguine.

Ad Benedictus.

A. Christus Deus benedictus,

Dum penderet sic afflictus

Inclinato capite,

Angelorum hierarchiae

Condolenles sunt Mariae

Palam crucis stipite.

In 2. Vesperis.

Ad Magnificat.

A. Dulci nato desolato

Dum adstaret flebilis,

Decens gestus et modestus

Matri manet stabilis,

Servat fidem, donec idem

Plebi surgens indicat,

Tunc renatos patri gratos

Dominus magnificat.