ANDRIEN. 41

rii, arguit patronus, possunt recurrere ad excusationem igno- rantiae aut bonae fidei ; nam praeterquamquod in huius gene- ris personis neutra admitti potest, haec subsidia non iuvarent in casu quia error cecidit non in causam impulsivam sed in motivam; quare rescriptum non valet, uti conveniunt doctores - cfr. Maschat Inst. can. ad tit. de rescriptis § Il n. 12 - cap. super litteras 20 huius tit. - cap. 2. eo: parte - cap. 19 constitutum eiusd. tit. Reiffenstuel ius can. univ. ad hunc tit. § VII n. 162.

In secundo capite patronus argumentatur ex canonica aequitate. Quamobrem, memorato aequitatis officio, scilicet temperandi iuris severitatem, revocat Mansionariorum miser- rimam statum, aiens, illi choro quotidie intersunt ; illi eisdem prorsus ac canonici funguntur officiis ; illi triginta missas singulis annis celebrare debent pene absque mercede. Nam canonici, qui eorum opera praecipue iuvantur, 4250 libellas quotannis pensitant, quas patroni clientes inter se, pro assiduitate, distributionum more, dispertiuntur. Hanc porro mercedem vix famulus aequo animo ferret ; vix aedituis Capitulum porrigere auderet !

Non diffitetur patronus, canonicos hodiernis mansionariis largitos fuisse partem distributionum inter praesentes, quae in anniversariis vel supplicationibus dispensan solent ; sed ait, ex huiusmodi largitione, plus commodi adversarii, quam clientes emolumenti capiunt. Nam apud omnes Andriae per- vulgatum est Capitulum Cathedrale abhinc permultis annis, cum quibusdam sodalitatibus pactionem fecisse, ut plures ca- nonici iusta huiusmodi funebria comitarentur vel illa pera- gentes adiuvarent. - Imminuto canonicorum numero, ne con- venta frangerentur, omnes vel fere omnes interesse debebant ; quod, quum gravissimum esset, perutile visum est aliquid mansionariis concedere, ut canonicis nimis oneratis opitula- rentur. - Sed concessum est dimidium partis, quam canonici percipiunt : ita ut si canonico duo libellae impertiantur, una mansionario, qui idem prorsus fert onus, tribuatur.

Dein, praeveniens obiectionem, advertit non verum esse