38. In Conceptione Beatae MV.

la. Gaude, virgo singularis,

Tu, quae sola generaris

Omni carens vitio ;

1b. Alma stirpe Davidica,

Tua datur mirifica

Et sancta conceptio.

2 a. Nod tetigit nec te laesit

Adae lapsus, qui cohaesit

Omnes foedans ceteris.

2 b. Ad esse te qui vocavit,

Et a faece praeservavit

Signo novi foederis.

3 a. Quam non vincit malitia,

Tua praeit initia,

O virgo mundissima,

3 b. Gratia Dei cunctis potior,

In instanti qua primo clarior

Es, stella clarissima.

4 a. Nondum erat mundus iste,

Cum hancplacet tibi, Christe,

In matrem eligere,

4 b. Lapsu, quo mundus ruit,

Quam laedi non decuit

Nec te sic neglegere.

5 a. Decens erat, ut fulgeret

Prae cunctis, munda niteret

A Deo paulo minus:

5 b. Eius est nam vera mater,

Cuius est et ipse pater,

Filius et dominus.

6 a. Nec minus sanctificatur,

Per Christum dum praeservatur

Eedempta perfectius,

6 b. Ut a cunctis discernatur

Virgo, per quam nobis datur

Homo, Dei filius.

7 a. En, Baptista nondum natus

Creditur sanctificatus

Et lotus a sordibus ;

7 b. Maria nunquam sorduit,

Micat semper et micuit

Clarior sideribus.

8a. Ambo gaudent Dei donis,

Sed vide, paris sermonis

Quanta sit distantia:

8 b. Ille cadit et levatur,

Haec, ne cadat, praeservatur

Nati providentia.

9 a. Hac Aman in eculeo,

QuodpraeparatMardochaeo,

Ipsemet iugulatur ;

9 b. Et Esther, tunc abscondita,

Saevae legi non subdita

Per regem declaratur.

10 a. Sed non desunt insultantes,

Hoc donum tibi negantes,

Instar picae garriantes,

Virgo, plena gratia;

10b. Pica veste variata

Ab aranicis prostrata

Nescit, imis occupata,

Quae sit Dei potentia.

11a. Conciperis per quam recta,

Dei mater praeelecta,

Quae et nunquam non dilecta,

Sed semper carissima.

11b. Madian sic profugatur,

Stilla vellus irrigatur,

Sterilis inde laetatur

Anna fecundissima.

12 a. Hoc Gedeon contemplatur,

Supra petram dum libatur

Ius carnium et crematur

Tactu virgae caelicae.

12 b. Sic olim multifarie

Figurans et varie

Praeservata a carie

Peccati mirifice.

13 a. O Maria, sic praelata

Cunctis, semper Deo grata,

Per te donantur peccata ;

Tu prona sis, invocata,

Nobis te colentibus.

18b. Vitam dirige praesentem

Et infirmam sana mentem

Vim terens hostis instantem,

Duc ad statum triumphantem

Regnis in caelestibus.