40. In Consecratione s, Gertrudis.

In 1. Vesperis.
Antiphonae.

1. Hodiernae

lucis sollemnia
Congaudendo

colat ecclesia,
Qua Gertrudis velamine
Consecratur Dei munere.

2. O virtutum tu speculum,
Posce nobis suffragium,

Ut hoc possimus consequi.
Quo te gaudeamus perfrui.

3. In vocis iubilo

laudemus Dominum.
Qui est mirabilis

conditor hominum,
Quem virgo conspicit

in caeli patria,
In hymnis splendida

penetrans atria.

4. Laudemus Dominum
virginis filium.

Quem laudant virginum

chori nobilium,
Inter quos inclita

Gertrudis rutilat,
Cui nostra contio

gaudens coniubilat:
Quae pudicitiae

gestans insignia
Praestet cultoribus

dona perennia.

5. Sancta Gertrudis,
Intercede pro miseris
Ad te confugientibus
Apud Christum piissimum.
Regem atque Dominum,
Ut det nobis veniam peccatorum,
Et emendationem morum
Et gaudium sempiternum.

R. Virgo carens fraude,

celebri dignissima laude.
Velo vestitur

et virginibus stabilitur;
Mater sacrata

nunc gaudet luce beata.
V. Huius per merita

potiamur caelibe vita.

Ad Laudes.

Antiphonae.

1. Annua iucundo

rutilant sollemnia mundo,
Gertrudis Christo

sacratur corpore sancto.

2. Praesulis Amandi

iussu mater venerandi
Claustro Gertrudem

velamine consecrat almum.

3. Virgo claustralis,

sacrata Deo monialis,
Pro cultu morum

curam capit ipsa sororum,

4. Virgo Deo teste

servat commissa modeste,
Christum mente ferens,
scripturae semper inhaerens,

5. Virginis ergo merae

famulos, pie Christe, tuere
Daque sibi gratum

nostrum fieri famulatum.