41. De Incarnatione Domini.

1. Arce siderea

Phoebe refulserat
Et lucis aurea

globos effuderat,
Cum nocte media
temporis aderat
Iam plenitudo.
Multis e fratribus

unus eligitur,
Tot caeli civibus
unus dirigitur,
Regis obtutibus

praesens, qui quaeritur,
Stat Fortitudo.

2. Succinctus Gabriel
oboedientia,
Summus archangelus

promptus ad omnia,
Stat regis nuntius
regis imperia
Ferre paratus.
Angele Gabriel,

inquit, progredere,
Fer cito nuntium,
cito regredere,
Sed brevi iubeo,
brevi charactere
Sis oneratus.

3. Ibis ad virginem
stirpis Davidicae,
Vultus siderei,

mentis angelicae.
Cum vocis exprimis
verba prophetiae
Mystica, cave,
Virgo ne timeat,

sed prolis regiae,
Sed vultus placidi,
sed pulchra facie,
Saluta virginem,
sed tali serie
Die prior: Ave.

4. Virgo dum trepidat
et unde veneris,
Stat, studet, cogitat,
quis, qualis fueris
Vel cuius nuntius,
ne cito dixeris,
Sed voce pia,
Stans vultu placido,

demisso lumine,
Pudicis oculis

fixis in virgine,
Propriam proprio
designans nomine
Iunge: Maria.

5. Dam timens refugit
virilem faciem,
Vultus angelici

denuda speciem,
Dum modum discutit
et rerum seriem
Virgo serena,
Sume parabolam
vocis interea;
Sed quidquid dixeris

prius et postea.
De quibus dixero,
die tamen antea:
Gratia plena.

6. Carnis virgineae
sub domicilio,
Die, domum praeparet,

sed Dei filio;
Stabit et conferet,
sed sub silentio
Singula secum.
Pudoris titulum

primo discutiet,
Da fidem virgini,

quod virgo pariet,
Die, cuius spiritu,
per quem concipiet,
Dominus tecum.

7. Felicem praedica,
quae Dei filio
Mater eligitur

vernante lilio
Pudoris integri,
sed et angelico
Digna relatu,
Quae pacis osculo
terrena superis
Amoris glutino

iungis et inseris,
In mulieribus

primis et posteris
Benedicta tu.

8. Dulce cum virgine
misce colloquium;
Quaeret, quem pariet:

die: Dei filium;
Quaeret et quomodo ;
die tu : per spiritum ;
Quaerere plura
Virgo si coeperit,

libens exsequere,
Die, tetragrammaton

quali charactere
Possit dissyllaba
sensa concludere
Laude futura.

9. Regis imperio
regalis nuntius
Secreta virgini

secreti conscius
Divina reserat;
formidat primitus
Virgo pudica.
Incipit angelus

modis disserere,
Felicem praedicans,

vota puerperae;
Iam cupit effici,
sed tali foedere
Regis amica.

10. Iam sacri pneumatis
perfusa lumine
Credit et concipit;

divino semine
Floret et pullulat
mater in virgine,
Nosque sollenni
Laudemus Dominum

vocis obsequio,

Cum patre luminum

matrem cum filio

Laudet et praedicet

nostra devotio

Laude perenni.