41. De Compassione BMV.

In 1. Vesperis.

Aatiphonae.

1. Sion sancta, gratulare,
Christi matrem venerare

Symphoniae cantico,

Nam transfixa ense diro,

Dum adstaret gestu miro

Passo carne Domino.

2. Mente, actu,

usu elimina,
Jesu, per nos

contracta crimina,
Jubilizent

ut nostra corcula
Dura tuae

parentis vulnera.
3. Sunt mucro Simeonis,

perditio duodennis,
Fuga Herodis

caput probri, virgo perennis.
4. Omnes gentes, flentes properate
Flenti Mariae hymnum cantate,
Nam sustulit ludibria
A gente nimis impia.
5. Sion et Hierusalem

Christus confortavit,
Dum in cruce nudulus

Orcum reseravit,
Jubilet altissimo
Omnis ergo natio.
E. Stella maris, candoris ebur,

speculum paradisi,
Fons veniae, caeli janua,

o virgo Maria,
Ore favus, corde

lumen, in aure melos,
V. Esto memor memoraui

tuorum opprobriorum.

Ad Magnificat.

A. Matris ad filium

Nunquam erat talis
Caritatis unio,
Ut virginis regalis

Ad Jesum ; probat hoc

individualis
Cognatio carnis

stolaque totalis,
Suavitas affatus,
Nullitas reatus ;
Non est alter ergo talis
Sicut dolor virginalis.

A d Completorium.
Ad Nunc dimittis.
A. Nunc dimittas, Domine,
Nos famulos in pace
Ac jugiter illumines

Caritatis face,
Ut versemus lacrimas
Mariae dolorosas.

Ad Matutinum.
Imitatorium,
Senes et juvenes,

alacres venite,
Virginis angores

cordibus haurite,
Ferventer plorate,
Christum adorate.

In 1. Nocturno.
Antiphonae.

1. Regalis virgo Davidis
Et mater admirabilis
Contremuit corde lugubris,
Dum datur Christus perfidis.

2. Cedit vox atque sensus,
Dum Jesus apprehensus
Nuntiatur virgini
Pro reatu populi.

3. Tractatur Dei filius
Longe latrone vilius,
Gemit, plorat mater mitis,
Crescit sibi mortis sitis.

Responsoria.

1. Sit cordis desiderium
Et comae refrigerium

Christi corona spinea,
Crux, claves atque lancea,
Acetum, fel, opprobria,
Quae tulit ipse plurima ;
V. Maeroris simus socii,
Nam ejus res supplicii.

2. Virgo, tuae lacrimae

Nobis dent saporem,
Caritatis geminae

Ingerant calorem,
Ut glutinemur superis
Ira placata vindicis.
V. Sic vere caput teritur

bestiae funestae
Calce virgineo

ut prodit verbum caeleste.

3. Caipbae in atrio
Acto tunc consilio
Catenatus ducitur,
Carceri detruditur
Jesus, mundi gloria,
Trahens nos a scoria.
V. Virgo vellus maduit

sacrum Gedeonis,
Dclibutum valide

lacrimarum donis.

In 2. Nocturno.
Antiphonae.

1. Virgo quem genuit
Ingenti cum tripudio,
Palam crucifigitur
Summo cum ludibrio,
Sic crepunt nostra vincula
Agente Christi gratia.

2. Multa tam aspera

Cum esset inaudita,
Exoptat virgo exui
Hac labili vita.

3. Triduo squalet Mariae
Facies polita,
Messiae supplicia
Nam erant exquisita.

Responsoria.

1. Maria ut audivit

Hora tertiarum
Crucifigi Dominum

Lingulis turbarum,
Purpuratum, coronatum

Eum dum despexit,
Cruci pressum, morti datum

Plebs ut hunc evexit,
V. Imbibit tunc rosa

Rubens mortis pallorem,
Perdunt hinc caelestia
Corpora decorem.

2. Crucis trutinulae

Dum esset appensus
Ac jugi pro foedere

Christus extensus,
Trutinat ac numerat

Censum impensum,
Patrem ut leniat

Scelere offensum ;
V. Tunc planxit virgo jugiter,
Ut a patratis nequiter
Purgaret efficaciter.

3. Natus pallet conclavatus,
Salutaris nobis datus,
Ait mater dolorosa:
Plebs me tolle vitiosa,
Nam medela est commori
Virgae Jesse sancto flori.

V. Turgente dolore
Non Noemi pulchra,
Mara sed amara
Juste vocitata.

In 3. Nocturno.

Antiphonae.

1. Quanto cruciamine
Virgo perturbatur,
Conceptus de flamine
Quando flagellatur,
Movet luctu quaerulo
Non paucos e populo.

2. Caesus ut educitur,
Populo ostenditur,
Fit mater ut emortua
Clamoris mota furia.

3. Ecce, mirabilia

Deus quanta fecit,
Dum prostratum hominem

sanguine refecit ;
Pelicanus moritur,
Pullus sic reficitur.

Responsoria.

1. Gratas lacrimas,

Mater, tu fudisti,
Salsas, puras, calidas,

Fixa dum stetisti
In Golgotha colle

Ad faciem Messiae,
Supplicamus, impertire

Has nobis pie.
V. Intra cubiculum

Veri Salomonis
Refer chirographum

Relaxationis.

2. Celsior martyrum

Martyr mente stat corona
Exspirante Domino

Diei hora nona;
Sperat redempturum.
Horret moriturum,
Gerit sic contraria.
V. Gaudet victoria

Caelitus edocta,
Horret supplicium

Amore decocta.

3. Virgo, salus per te datur,
Per te hostis triumphatur,
Da, ut Deum collaudemus,
Per te hostem superemus,
Nam planctus jam in gaudium
Conversus est per filium.

V. Nobis tactu fimbriae
Mundari a peccatis
Confer ac semper refici
Melle deitatis.

Ad Laudes.
Antiphonae.

1. Diadema spineum
intulit dolorem
Reverendae virgini,

dum traxit cruorem
Messiae de vertice
regnis cariorem.

2. Pastore percusso
Gregeque disperso
Haec maerens cum discipulo
Crucis adstat patibulo.

3. Tui probri memores

Mundo moriantur,
Vivant, mater, tibi,

Ut benedicantur
Sacro ac flamine

Semper repleantur.

4. Benedicite Domino,
Omnia creata,
Exstans deserta quoque,
Ave, virgo beata.

5. O sancta theotocos,
tu interiorem
Hominem irradia,

da carni vigorem,
Collaudet ut utrumque
suum creatorem.

Ad Benedictus.

A. Aeternus Deus Israel,

Corpore afflictus,
Nobiscum ac Emanuel

Semper benedictus,
Qui tulit nos a tenebris

Cruci conclavatus,
Dum rediit ab inferis

In caelum elevatus;
Sit hyperdulia digna

Virgo benedicta,
Messiae parens benigna,

Varie afflicta.

In 2. Vesperis.

Ad Magnificat.

A. Corpus, en, lacerum
dum virgo tractavit,

Submissum de cruce
in sinum oravit:

Dignitas regalis,
O gloria mundi,

Nunc quantum dimersa
In limum profundi !
Jam, heu, emarcuit
Ave et gaudium
Caelitus emissum
Olim per angelum,
Quaeso, jam esto

tutor tuorum,
Ne pereant

irruptu luporum.