39. In Conceptione BMV.

1 a. Gaude, caelum, et laetare,
Psalle terra, plaude mare,
Deum laudent omnia;

1b. Nam creator creaturae

Ab antiquo pacis fure

Vult auferre spolia.

2 a. Ad Ioachim hic fidelem
Et ad Annam Gabrielem
Summum misit nuntium;

2b. Erant enim ambo iusti,
Continentes et robusti
Contra quodque vitium.

3 a. Quibus sui visione

Perterritis hoc sermone
Contulit solacium:

3b. Vestras preces, vestrum votum
Deus novit, nunc amotum
Est vestrum opprobrium.

4 a. Vos, cum sitis infecundi,
Laeti sitis et iucundis
Invenistis gratiam.

4b. Non fraudati vestrae spei
Cum timore sancto Dei
Vos gignetis filiam.

5 a. In utero suae matris
Illa sancto Dei patris
Spiritu replebitur ;

5 b. In ventre sanctificata

Statim, cum haec erit nata,
Maria vocabitur.

6 a. Pare carens in exemplo
Die nocte Dei templo
Mancipata serviet ;

6 b. Hauriendo caeli rorem
Iesum, mundi salvatorem,
Ipsa virgo pariet.

7 a. Nunc accendit omnem sexum
Gaudiorum per amplexum
Mariae conceptio ;

7 b. Quae a Deo praeelecta
Christi mater est effecta
Tali vaticinio.

8 a. Ergo matrem salvatoris
Fides cordis et vox oris
Exaltet in iubilo ;

8 b. Per quamChristus nos (absolvat
A peccatis, ne] involvat
In poenarum nubilo,

9. Sed perenni

perfruamur gaudio.