EUGUBINA 43

Alborum, Nigrorum, ac S. Philippi, Confraternitas SSmi Sacramenti nequeat sociare cadavera eorum qui adscripti non. sunt, nisi unita cum altera saltem Confraternitate supra citata, servatis de praeeminentia servandis. Speramus vero quod eae Confraternitates SSmi Sacramenti possint existere paratae pro futura solemnitate SSmi Corporis Christi," mense iunio recurrente, et in qualibet Paroecia laudabile officium praestent ad singulas supplicationes insequentium octo die- rum. Iis Confraternitatibus ius sit Crucifixum praeferre, ac habere grande Vexillum, seu Stendardo quod vocant. - Data Eugubii die 6 Ianuarii 1895. - Aloisius Episcopus ».

Editum decretum singulis Sodalitatibus denunciatum fuit, quod et admiratione exceperunt et querela Sodales quatuor illarum Sodalitatum, quae ius exercuerant exclusivum effe- rendi fidelium cadavera, quia ne certiores quidem factae fue- rant de edendo decreto, nec ulla ratio habita erat iuris ab ipsis iam diu pacifice exerciti. Hinc Priores harum quatuor Confraternitatum sisterunt coram Episcopo, ut de hoc de- creto conquererentur. - Verum intra quod tempus ab evul- gato edicto Priores hanc moverint querelam ex actis non constat, et hoc animadversum fuit, quippe postea quaestio erit, an extraiudicialis appellatio, (intra decendium inter- ponenda), reapse legitimo tempore facta sit. - Quaenam fuerit eorum intentio, quum protestati sunt, ita significant iidem Priores in litteris datis Episcopo Eugubino diei 11 Maii 1897, inter alia haec asserentes : sese noluisse facere oppositionem directam eiusmodi decreto Episcopi, sed eun- dem exorare ut idem revocaret ; quod facturum adpromisit, habitis uti veris rationibus per nos exhibitis. Qua de re iustificari oppositiones nostras contra applicationem decreti. Quas oppositiones uti validas habitas ab Ordinario fuisse patet; nam id Ordinarius non fecisset quatenus censuisset decretum validum et in sua vi permanere.

Quidquid vero sit de ratione instauratae et contestatae litis, hoc versatur extra controversiam, rem nempe ab edito decreto nunquam pacificam fuisse, et altercationibus uni