BERGOMEN. 43

ex iure communi non solus episcopus, sed episcopus una cum capitulo conferunt. Episcopus vero, iuxta patronum, prudentius egisset, si episcopum veronensem esset imitatus. Nam etiam capitulum veronense iure potiebatur conferendi canonicatus ecclesiae cathedralis. Veronae quoque ius no- minandi canonicos conventione a. 1855 translatum est in imperatorem austriacum ; sublata vero conventione, ius i l - lud eligendi canonicos ad capitulum reversum est.

Ad IL dubium gradum faciens advocatus, ex eo quod bergomense capitulum est collator ordinarius praebendarum illius ecclesiae cathedralis, deducit ad illud spectare quoque instituere electos canonicos.

Sane capitulum bergomense perrexit electos canonicos instituere, etiam postquam ipsum impeditum est quominus eos eligeret, et electio coepit fieri a civili potestate, uti perspicuum fit ex actis capituli ab a. 1833 ad a. 1854 ; imo etiam post conventionem a. 1885 capitulum continua- vit instituere canonicos ab Imperatore nominatos. Iure au- tem bergomense capitulum ita se gessisse, instat orator, S. V. O. iudicavit in causa Veronen. - Iurium; cum enim, vigente conventione a. 1855, lis inter episcopum capitulum- que veronense esset orta, dubio : « An et quae iura com- petant capitulo veronensi , in collationem canonicatuum, post editam conventionem inter Summum Pontificem et Cae- saream Maiestatem » responsum fuit, die 30 Ianuarii 1858: Servetur consuetudo vigens ante conventionem; et die 9 Aprilis a. 1859, proposito dubio : « An et quomodo sit stan- dum vel recedendum a decisis », S. C. stetit in decisis, et dari iussit instructionem, in qua instructione inter cetera legitur : « Facta ab imperatore electione, institutio canonica detur a capitulo ».

Idem ius contendit advocatus applicari debere ad cano- nicos theologum et poenitentiarium. Scribit enim Scarfan- tonius (tom. I, pag. 12, edit. lucan. a. 1723): « Sextus effectus (iuris electionis simultaneae) est, quod licet sacrum Conc. Trid. (sess. 24, cap. 8, de ref.) statuerit, electionem