CAPUT V.

De situ florum et odore ipsorum.

Situs autem florum, ut superius diximus, aliquando est ante fructum in principio fructus ex parte suprema ipsius : et iste modus in omnibus notis apud nos invenitur pyris et malis genera- tis. Aliquando autem primus intus subtus, ita quod formatio fructus fit sicut de medio floris, sicut in cinorum et prauorum floribus invenitur. Similiter autem in herbis et oleribus multis, ut in papavere secundum totum genus suum et nenufar et aliis pluribus. Aliquando autem velut lanugo crocea dependet ex loco fructus, sicut in multis quae sunt de genere granorum, sicut in frumento et siligine et hujusmodi. Aliquando autem sicut pulvis croceus spargitur in loco formandi fructus, sicut in vite, et paucis aliis fructibus. Et isti sunt situs foliorum vegetabilium notorum apud nos in sexto et septimo climate inventorum. Ratio autem eorum quorum situs est in prima parte fructus, est quod formatio florum est ex ipso eodem humido ex quo formatur fructus : subtile namque ejusdem humidi magis spirituale calore solis et arboris ad anteriora propellitur : et ideo in principio statim erumpit, connexum tamen cum humido quod est materia fructus.

0

In his autem in quibus flos formatur post fructus locum et sub ipso, impeditur a grosso terrestri, quod obcludit vias processus ejusdem ad anteriora fructus : quoniam tales plantae multos habent humorum modos, sicut apparet in effectibus eorum : quoniam ex. quodam fit caro, et ex quodam testa, et ex quodam nucleus. Multitudo enim et diversitas substantiarum quae sunt circumstantes fructum, ostendit in materia multam esse diversitatem humorum materialium, et cum natura formans primum incipit sero arare humores illos, simul aliquamdiu stant grossiores quasi in globo uno, eo quod simul ex his natura operatur carnem et nucleum : et ex hoc contingit, quod id quod est subtilius in propria separatione, cedit ad inferius, et fit inde flos in cujus medio totus formatur fructus, sicut in papavere et amigclalis et prunis omnibus et multis aliis plantis. In granis autem flos a loco formandi grani dependet quasi lanugo exspirans de illa ma- ieria humoris ex quo generari debet granum. Et hujus causa est sicut in his quae flores habent ante vel supra fructum. Ex ipso enim spirituali hic flos exspirat humido, et aerem tangens exsudatur sicut pilus in animalibus : propter quod in longitudinem quamdam flos iste protenditur, eo quod talis figurae est ipse spiritus qui exspirat ex humore grani quod formari debet.

Respersus autem flos ad modum pulveris ex multitudine humoris dispersi et distributi ad fructus formationem in qua vincit grossities et ponticitas multa, propter quae parum ex ipso exspirare potest, et non in loco uno, sed. ubique per omnia loca granorum : et ideo parvitas ejus quod exspirat, facit pulveris multitudinem : et ideo dixerunt quidam aegyptii Philosophi, quod non est flos, sed pulvis quidam non adhaerens viti in aliqua parte, sed. tantum generatus ex humido inspirante exsiccato : sicut enim ros aliquando relinquit reliquias pulveris, cum evaporaverit ex ipso humidum, et remanserit terrestre faeculentum. Sed hoc verum non esse quilibet probare poterit per vitis cum primo floret inspectionem : tunc enim invenit adhaerere granulis pulverem illum per coctilidones parvulos, et granum botri quod uva vocatur, ex medio ipsius formari sicut formatur amigdalus vel alius fructus qui florem habet sub

Est tamen hic non praetereundum, quod omnis fere flos cujuscumque sit plantae, in medio sui hujusmodi habet granulorum congeriem per parvulos coctilidones fundo floris infixam : et haec congeries in quibusdam floribus est multa : aliquando autem est pauca : et ideo forte praedicti Philosophi aegyptii vitem scripserant non habere florem : quia non habet specialem figuram floris, sed tantum granulosam illam congeriem, quae fere in omni flore invenitur, sicut patet in medio rosae et lilii et omnibus floribus. Et forte causa hujus est multus humor vitis grossus per vacuitatem ligni ascendens, quod subtiliari non poterit nisi per longam et magnam caloris decoctionem : propter quod nihil separatur in florem distinctum, sed granulositas quaedam incensi cholerici humoris invenitur, quae fere omni flori est communis, sicut superius est manifestum. Aromaticitas autem florum ostendit ea quae dicta sunt. Spirituale autem humidum quasi semper evaporat : et cum sit subtile et bene completum calido et quasi ad fumum redactum, erit aromaticum delectabilemhabens odorem, licet haec delectatio non conveniat nisi soli homini, sicut ostensum est in libro de Sensu et sensibili. Et haec est causa quare etiam animalia venenosa fugere dicuntur odores florum quorumdam, sicut vitis et olivae : quod contingit ideo, quod talia animalia ut frequenter frigida sunt et palustria habentia vapores grossos paludosos sibi connaturales : odores autem hujusmodi plantarum aromatici et subtiles et calidi sunt corruptivi, propter quod fugiuntur ab eisdem.

Haec igitur de situ et odore florum in communi dicta sint.