43. De Compassione BMV.

In 1. Vesperis.

Super Psalmos.

A. Per amaritudines,

virgo, quas habebas,

Dum pendentem filium

in cruce videbas,

Ut abstergas, petimus,

peccatorum glebas.

R. Sancta mater Jesu Christi,

In dolore quae fuisti,

Dum in cruce elevatus

Fuit tuus dulcis natus,

Ejus quinque vulnerinis

Nos defende a ruinis,

V. Ne nos hostis trahat sacvus,

Ubi dolor manet aevus.

Ad Magnificat.

A. Tibi, mundi domina,

virgo gloriosa,

Prae dolore palluit

forma speciosa,

Cum videbas filium

captum a Judaeis,

Vinctum manus, traditum

ad crucem pro reis,

Compar hinc molestiae

molestatis crede

Et pro nobis jugiter,

pia, intercede.

Ad Completorium.

R. Nos a malis subtus alis

Tuis, virgo, tegito,

Manum tende et defende

Nos cum nato inclito,

V. Ne crudelis suis telis

Hostis nos surripiat.

Ad Nunc dimittis.

A. Ut ad mortem vigilavit

Tuus natus et oravit,

Nobis, virgo, sic largire

Caute mortem praevenire,

Ut ipsius docti more

Serviamus cum timore.

Ad Matutinum.

Invitatorium.

De Maria regem natum

Adoremus captivatum

Et pro nobis trucidatum.

In 1. Nocturno.

1. Nos te Deum deprecamur,

Incarnatum quem miramur,

Passum cruce veneramur.

2. Virgo, tuum sanctum natum

Scimus spinis coronatum

Et pro nobis virgizatum.

3. Cujus exstat omnis orbis,

Est pro nostris passus morbis,

Ora, virgo, bunc pro nobis.

Responsoria.

1. Ut tu, virgo, filium

Percepisti venditum

Et Judaeis scelerum

Vinctum manus traditum,

Fremuisti animo

Prae dolore nimio,

Plus quam ulla filium

Planget mater mortuum.

V. Dona nobis paenitere

Et peccata nostra fiere.

2. Sine spina rubens rosa,

In virtute copiosa,

Quem ut sine genuisti,

Tum vae magno adspexisti,

Cum videbas hunc ligatum

Et praetore praesentatum ;

V. Nemo valet edocere

Tuum amplum, quodfiabebas,

Dum videbas hunc ligatum.

3. Cum videbas filium

virgis flagellari,

Scimus, quod optaveris

tibi, virgo, dari

In tuum remissius

quod dimittereris,

Ut pro ipso verbera

in te patereris ;

V. A dolore inferi

nos ferre digneris,

Tantam cum maestitiam

in te patereris.

In 2. Nocturno.

Antiphonae.

1. Prae cunctis hominibus

forma speciosum

Adspexisti filium

virgis sanguinosum,

Istud tuum animum

fecit dolorosum.

2. Natus tuus colaphis,

virgo, tribulatur

Tribulatos gratia

sua qui solatur,

Dum eorum precibus

pius invocatur.

3. Memor esto, domina,

vasis Babylonis,

Ut nos pie doceas

viam rationis

Propter tui filii

vulnus passionis.

Responsoria.

1. Dum coram judicio

Jesus condemnatur

Iniqua sententia,

ut crucifigatur,

Simeonis gladius

tunc evaginatur,

Ut in tuam animam,

virgo, infigatur.

V. Per quem erat Israel

morte redimendus,

Foras extra ducitur

cruce suspendendus.

2. Fletus nec non gemitus

tibi dat, Maria,

Scandens crucis arborem

tua proles pia,

Pedum atque manuum

manante cruore

Intra tuam animam

figeris dolore.

V. Nobis, virgo, filium

prece fac benignum,

Qui pro nobis tentus est

super crucis lignum.

3. Dum in ramis moritur

crucis vera vita,

Tunc tu, virgo, laederis

corde tuo ita,

Quod tibi prae fremitu

vita effugisset,

Si te tuus filius

mori permisisset.

V. Luna, sol et omnia

parant se maerere,

Planctu te miserrimo

cum videbant fiere.

In 3. Nocturno.

Antiphonae.

1. Inter gentes, dicite,

Dominus regnavit,

Super ligno positus

vere exspiravit,

Quod, o virgo virginum,

tuum cor turbavit.

2. Nuntiarunt caelica,

virgo, tuum planctum,

Nolentes adspicere

tuum natum sanctum

Tam in cruce duriter

a Judaeis anetum.

3. Recordatur Dominus

suae pietatis,

Dum nos lavat crimine

mors humanitatis,

Quam de tuae thalamo

sumpsit castitatis.

Responsoria.

1. Nos ad crucem Domini

stamus cum honore,

Dum matri compatimur

nati prae dolore ;

Tantum quod in nomine

suae passionis

D evitemus scoriam

turpis actionis,

V. Te Mariam petimus,

nostram advocatam,

Ut de prole gratiam

feras adspiratam.

Responsoria.

1. Virgo, mater Domini,

sola singularis,

Stas ad crucem filii ;

tu es salutaris,

Cujus altis meritis

nullus est aequalis,

Virgo mater insimul

sola nuncuparis.

V. Nos sub capitaneis

crucis computari

Juva, mater Domini,

tuo deprecari.

2. Demus omnes gratias

nostra redemptori,

Suam qui constituit

matrem peccatori,

Ut nos tamquam filios

solens adjuvare,

Post excessus debeat

patri reformare ;

Nos indignos filios

ergo, omnipia,

In extremo protege

de saevo Golia.

V. Propter tui filii

nimiam passionem

Nobis tuis servulis

da dilectionem.

In Laudibus.

Antiphonae.

1. Virgo mater, consolare,

Tuum natum deprecare,

Ut, pro quibus captivatus,

Lavet sordes et reatus.

2. Prece placa natum reis,

Vinctum manus a Judaeis,

Ut nos solvat a peccatis

Dando regnum claritatis.

3. Natum duci cum vidisti

Ad praetorem, doluisti,

Inde tecum condolentes

Post hanc vitam fac gaudentes.

4. Pium fructum ventris tui

Praebe nobis, sponte sui

Propter nostras faeces laesum

Et flagellis dure caesum.

5. Passionem horae nonae

Natum tuum, virgo, mone,

Ut per suum sanctum fatum

Nostrum lavet hic reatum.

Ad Benedictus.

A. In domo Davidica

cornu salutare

Dedit nobis Dominus,

crucis dum altare

Prole sanctae virginis

pensa decoratur ;

Haec de stirpe Davidis

nata praedicatur.

Mater, ergo poscimus

dignitatem tuam,

Qua redemit filius

morte plebem suam,

Illuc prece adjuva,

ubi conspicatur

Sua clara facies,

quae conspuebatur.

Ad Horas.

Ad Primam.

A. Hora prima in hac die

Venit fama tibi piae,

Natum nocte intempesta

Fore captum, inde maesta,

Virgo mater, tribulare,

Nobis hinc propitiare.

Ad Tertiam.

A. Hora terna ad praetorem

Ducunt Jesum salvatorem

Multa turba Judaeorum

Morte sua perreorumj

Crucifige tunc clamatur,

Hinc injuste condemnatur,

Tuque inde tristabaris;

Nostra prece monearis,

Ut per hanc molestiam

Nobis dones gratiam.

R. Ut per suum cruciatum

Nostrum tergat hic peccatum,

Ora, virgo, tuum natum,

V. Jesum Christum valde gratum.

Ad Sextam.

A. Hora sexta lignum crucis

Scandit Jesus, auctor lucis,

Ab, quam dolor tibi datur,

Cum per manus clavulatur,

Virgo, tuus dulcis natus,

Sic pro nobis fermentatus ;

Hunc dolorem dum te matrem

Admonemus, roga patrem

Misereri omnium,

Quibus dedit filium.

R. Passionem recordamur

Tui nati, hinc precamur,

Ut a morte eruamur,

V. A te, virgo, audiamur.

Ad Nonam.

A. Hora nona Dominus

alte exclamavit,

Inclinato capite

statim exspiravit ;

Tunc te, virgo, gladius

ille penetravit,

De quo senex Simeon

tibi prophetavit ;

De perfosso latere

cruor qui manavit,

Fac, nos lavet crimine,

quod nos inquinavit.

R. Quem vidisti cum dolore

Fixum cruci in cruore,

Pete nobis mitem fore,

V. Cum discedet mens ab ore.

In 2. Vesperis.

R. Spes et nostra advocata,

O regina caeli grata,

Audi nostra deprecata,

V. Hac de valle lacrimarum

Duc ad regnum nos praeclarum.

Ad Magnificat.

A. Dulcis mater, Dominus

hora vespertina

Est de ligno positus

tumba in petrina,

Christi fossum vulnere

corpus reparatur,

Paradiso anima

sanctis adoratur.

Ora ergo, domina,

mater gloriosa,

Nunc pro nobis filium

prece fructuosa,

Ut det nobis gratiam

sua pietate,

Qua plangamus scelera

tanta caritate,

Ut cum nobis venerit

nostri finis dies,

Cum latrone sedula

detur nobis quies.

Item ad Laudes

infra quadragesimam et pascha

dominicis diebus.

Antiphonae.

1. Miserere mei, Deus,

Qui sum multi mali reus,

Ut per precem tuae matris

Me dissolvas a peccatis.

2. Ante tempus patre natus,

Nunc ex matre incarnatus

Sua morte nos redemit,

Benedictus, qui sic venit.

3. Accinentes matutinas

Tuae matri, Christe, sinas

Vultum tuum contemplari

Et post mortem hinc laetari.

4. Te, quem virgo generavit

Et de lacte suo pavit,

Benedicant voce pare

Caelum, terra atque mare.

5. Mater Dei, te precamur,

Per te, virgo, mereamur

Tuo nato conregnare

Et aeternum collaudare.

Ad Benedictus.

A. Benedicta es Maria,

Jesu Christi mater pia,

Quae haec sola meruisti,

Quod tu Deum genuisti,

Qui resolvit sua morte

Infernalis claustra portae,

Vinctos suos redimendo,

Caelum nobis largiendo.

Ad Laudes in feriis.

Antiphonae.

1. Tua matre flagitante

Et per eam te praestante

In me, Deus, fac cor mundum,

In praeceptis tis jucundum.

2. Assistentes tuae laudi

Mane, Christe, tu exaudi,

Ut precatu matris tuae

Reddas eos puros lue.

3. Ora, virgo, tuam prolem

Relucentem super solem,

Ut nos cibet suo vultu

In aeterno suo cultu.

4. Jesu bone, consoleris,

Quos bic virga tua feris,

Causa matris eos cura,

Quamvis digni sint censura.

5. Sol et lana, solis stellam

Collaudate hanc puellam,

Cujus natus nos creavit,

Nos cruore suo lavit.