44 EX S. C. CONCILII

ad canonicatum poenitentiariae ad solum episcopum spectare, attamen si... facta fuerit erectio canonicatus poenitentiarii de praebenda, quae ad collationem episcopi coniunctim cum capitulo pertinebat, praescindendo a dicta electione , actus collationis spectans ad capitulum praeservatus censetur; ita ut possit idem praebendam conferre personae ab episcopo praeelectae, ut declaravit etiam sacra Congregatio Concilii ». Porro in libro, qui inscribitur Elenchus Partium Capituli pag. 49 ter g. plures notantur collationes praebendae factae theologo et poenitentiario electis. Quinimo ipse episcopus curabat eos electos ad capitulum remittere, a quo illi cano- nicam institutionem reciperent.

Ad III. dubium orator observat, quod paroeciae cathe- dralis capitulum est parochus habitualis et archipresbyter parochus actualis ; nimirum archipresbyter in hac cura exer- cenda est capituli vicarius. Nam ex quodam vetere statuto constat archipresbyterum curam animarum ab intus civitatis exercuisse nomine et auctoritate capituli ; eademque aucto- ritate coepit illam exercere etiam ad extra civitatis per decretum episcopi bergomensis, diei 20 Ianuarii 1806. In huiusmodi rerum conditione, ait advocatus, observanda est S. Pii V Constitutio « Ad exequendum » diei 15 Nov. 1567 statuens § 4 : « Volumus insuper, et ita mandamus, quod dicti vicarii perpetui non ad liberam ordinariorum electio- nem , sed ad nominationem illorum, in quorum ecclesiis unitis ponentur, cum ipsorum ordinariorum seu eorum vi- cariorum, praevio examine, approbatione, deputentur ». Nec est dubius sensus huius Constitutionis, uti interpretantur Turricellius (De benef, unione, cap. IV, n. 53-55) et Leu- renius (Forum benef.,pars I, quaest. 116, n. 2). Quia vero, prosequitur patronus, hae electiones reapse per concursum factae fuerunt, id iuri capituli, cui ecclesia parochialis unita est, nocere nequit; quemadmodum monent Turricellius (De benef, unione, cap. IV, n. 56) et Leurenius (Forum benef., pars I, quaest. 120, n. 2).

Nec capitulo, asserit patrocinator, ius tantum nomi-