sig. 43. De fixatione spirituum, caput additum.

Fixatio sulphuris: Pulveriza illud, et liga in panno lineo, et bulli in aqua cum . calce viva, primo ponendo calcem usque ad medium vasis, et residuum implendo cum aqua communi, et fac quod sacculus non tangat fundum vasis, sed stet in medio, scilicet bene ligando superius et inferius, apponendo parvum lapidem ut descendat et bulliat sic viginti quatuor horis, vel circa, super novam aquam calidam superponendo, dum aqua defecerit: deinde extrahe tuum sulphur, et fac bullire in aqua dulci, ut purgetur a calce, et factum est.

Aqua fortissima ad fixandum omnem spiritum : Primo rectifica aquam lapidis occulti albi, scilicet libras quatuor cum libra una calcis corticum ovorum inhumando et distillando, et hoc fac saepius: I deinde in illa aqua, scilicet in una libra cum dimidia appone uncias duas salis communis praeparati in secundo gradu, et uncias duas salis al 1.ali optime praeparati, et unciam unam salis armoniaci quater sublimati, et unciam unam albuminis plumae coagulati post suam praeparationem : et omnes isti sales dissolvantur in ista aqua, et cum ista fixa omnes spiritus in cucurbitis duplicatis vasa bene lutando. Haec Arnoldus.

Tamen cum istis salibus fit multa distillatio, et salium sublimatio, et cum faecibus reductio, et in aquam ab eis distillatam resolutio, et hoc cum spiritu, et absque illis vasis duplicatis : et aliquoties in septima sublimatione spiritus erit fixus cum aqua virtute salium in fundo cucurbitae, ut lamina ignitionem sustinens : et aliquoties in quarta sublimatione aqua erat fixata pro quarta parte sui, et oportebat addere aliam pro flxatione spiritus complenda.

Aliqui, dicunt, quod ponendo mercurium sublimatum super laminam stanneam vel ferream in cellario, statim vertetur in aquam, quam per dissolutiones et congelationes res facilius fixatur. Aqua abstracta ab albuminibus ovorum, et deinde rectificata a calce corticum, alumine jameni, et sale armoniaco ana unciam unam, est summe fixativa spirituum super omnes aquas, ut infra sequitur. Mercurius item fixabitur hoc modo : Tere in mortario mercurium sublimatum cum tartaro et sale communi crudi, et tunc sublima, et iterum tere et sublima, et continua usque decies, vel pluries, renovando in singulis contritionibus sal et tartarum : et exinde fixabitur mercurius,

Fixatur quoque mercurius in cucurbitis duplicatis in uno die cum oleo tartari superfuso, faciendo lentum ignem duabus horis primis, postea fortificando continue per diem, quousque nihil liquoris ascendat, quod probatur discooperiendo cucurbitam aut aperiendo foramen, aut desuper imponendo virgulam corili ad tentandum si in fundo sit adhuc liquor : quia si sit durum, tunc est fixatum : quod si non sit, fortifica ignem tribus horis, postea dimitte infrigidari, extrahe, tere, imbibe, et coque septies. Aqua mercurii: Sume de sale armoniaco, et de maris spuma partes aequales, quas bene teras, et asperge de eis in cucurbita una, et pone argentum vivum desuper, et quod ex eo remanserit involve ipsum et distilla cum igne debili: et di-

stillabitur in primis aqua alba, in qua non. est utilitas : postea ignem parumper vigora, et distillabitur aqua argenti vivi, sive fuerit in principio vivum, aut sublimatum. Omnes sales fixati fixant mercurium, similiter et sal armoniacus fixat simul sublimando, quousque mercurius fundatur.

Fixatur autem mercurius cum sale alkali, et cum calce corporum, aut cum utroque, et hoc in igne temperato, et vase ad hoc apto : quia ignis temperatus est humiditatis conservativus ad fusionem : excessivus vero, fusionis turbativiis, seu impeditivus.

Fixari potest mercurius sublimando inter duas scutellas bene sigillatas, alternatim vertendo et ponendo scutellam inferiorem superius, et superiorem inferius quatuordecim aut quindecim vicibus, et tunc fixabitur. Aliqui dicunt, quod hoc debet fieri in vase ferreo, et iste modus est per ordinem ignis.

Si vis spiritus sublimatos fixos facere, solve calces corporum cum aqua salis armoniaci, et ex hac aqua imbibe eos, quia erunt fixi: quia ratione calcis figuntur spiritus, ut inquit Bacon.

Fixatio salis armoniaci : Calcem vivam impasta cum albo ovorum, et fac quoque duo crucibula, et conclude in eis salem armoniacum in peciis detractum, et circumda cum dicta pasta, et desicca: postea fac sibi aliam tunicam de luto sapientiae, et desicca, et sepeli in cineribus calidis per duos dies et noctes, et erit fixum : tunc dissolve in aquam calidam, et si vis, cola et congela, et erit purum.