43. De ss. Helaro et Tatiano et Sociis.

In 1. Vesperis.

Antiphonae.

1. Haec vera fraternitas

Nunquam violanda,

Sancta nunc sollemnitas

Semper veneranda

Puros monet pueros

Sacrum luminare,

Caelum, terram, inferos

Deum collaudare.

2. Omnes gentes Deum laudent,

Patrem omnis gratiae,

Quaepatronos sanctos gaudent

Datos Aquilegiae.

3. Hi, qui iustis sociari

Meruerunt supplices,

Sunt scintillae, sunt praeclari

Reges, sunt et iudices.

4. Adest merces copiosa,

Vitam beans hominum,

Qui pro fide gloriosa

Fusionem sanguinum

Patientes moriuntur,

Dum et vivi recoluntur

Non habentes terminum.

5. Hierusalem, lauda

summa dignum laude,

Sed Aquilegia

summo plausu plaude,

Nam laurearis

patribus impensis,

Per quos ditaris

laudibus immensis.

Ad Magnificat.

A. Salve, pater Hellare,

Doctor veritatis,

Ac grassante Caesare

Virga maiestatis,

Gregem tuum prohibe

Zelo pietatis,

Opem lapsis exhibe

Tuae sanctitatis.

Ad Matutinum.

Invitatorium.

Hodierna lux diei

Nos invitat laudes Dei

Cantibus exprimere,

Quos sanctorum festa quina

Recensentes lex divina

Docet sic incipere.

In 1. Nocturno.

Antiphonae.

1. A Numeriano

Caesare Romano

Praeses Aquilegiae

Datus est Baronius,

Cum effectu plenius

Fautor idolatriae.

2. Regimen episcopatus

Hel larus dum recipit,

Ordinem diaconatus

Tacianus accipit.

3. Iniquorum verbera

Sancti non timentes

Meruerunt aethera

Terrea spernentes.

Responsovia.

1. Fulget mater ecclesia

Tantis dotata patribus,

Qui sunt in Aquilegia

Magnis quinque nominibus,

V. Dant isti pacem

mortem mor dentque mordacem.

2. Sacer Monoffantus

Sacrilegos cantus

Gentium exemplo

Maior ministrabat,

Deos adorabat

Herculis in templo,

Cuius poena futilis

Opere mirabilis

Et famosa fuerat.

V. Plurimis numinibus

Multis haec hominibus

Necis causam dederat.

3. Plagis, scorpionibus,

Flagris et carbonibus

Membra beatorum

Feriuntur, laniantur.

Affliguntur, ustulantur

More pessimorum ;

Sic ad astra pervenerunt,

Sic et regnum intraverant

Omni plenum gaudio.

V. Tanti fac itineris

Orphanos et muneris

Frui beneficio.

In 2. Nocturno.

Antiphonae.

1. Orat praesul cum timore,

Spem apponit in amore

Liberari cupiens

A profanis inimicis,

Ut tam toto quam in micis

Deo sit oboediens.

2. Hellarus dum Christum orat

Et praesidium implorat

Mentis cum intuitu.

Fana templi sunt confracta,

Sunt in nihilum redacta

Flante sancto spiritu.

3. In aetate iuvenili

Vicit hostes et senili

Cultus spretor veteris,

Salvatoris hyssopus,

Hellarus episcopus,

Doctus fide, litteris.

Responsoria.

1. Pontifice beato

Dominum precante

Ruit templum Herculis

Illo profugato,

Qui tam post quam ante

Mendax est in singulis.

V. Tremit tota civitas,

Sicque Christi deitas

Scitur ex miraculis.

. laniis terra claruit

Semi-Martis tempore,

Quo theos inseruit

Arbores cum arbore,

Quibus inest flos suavis,

Fructus dulcis, cantans avis

Voce salutifera,

V. Sunt hae plantae, cultor pie,

Quae clarescunt ista die

Quinque caeli sidera.

3. O martyrum constantia

Constansque patientia !

Tu legis liberalitas

Et libera legalitas,

Nam verbis non perverteris,

Verberibus non frangeris,

Tu passim passa praedicas,

Te Christo regi dedicas.

V. Orbis totus admiratur,

Hinc ad fidem elevatur

Laudesque magnificas.

In 3. Nocturno.

Antiphonae .

1. Sunt transfixa gladiis

Corpora beata,

Rosea martyriis

In arce coronata,

Quae fruuntur praemiis

Morte iam sublata.

2. Isti quinque, tot talenta

Duplicantes per augmenta

Sapienti studio,

In amoenis angelorum,

Quibus pollet rex polorum,

Vivo splendent radio.

3. Qui pro fide veritatis

Bella mirae probitatis

Et squalorem carcerum

Cupiendo, capiendo,

Supportando, superando

Contrectastis asperum,

Aquileiae civitatis,

Multae locum sanctitatis

Conservate prosperum.

Eesponsoria.

1. Vinculorum unione,

Mortis quoque passione

Simul isti principes

Sociati sunt beati,

Sempiternae qui sunt nati

Gloriae participes.

V Collegas quorum

faciat nos rector eorum.

2. Ritus vanos exuentes,

Mores sanos induentes,

Christi veste praediti,

Deum verum veneremur

His et vere sociemur,

Actu qui sunt incliti,

V. Divinorum dilectores,

Idolorum subversores

Summo bono consiti.

3. Sacerdos et pontifex,

Cuius dies agitur,

Tu virtutum artifex,

Impetra, quod petitur.

Ut nos tecum ad superna,

Lucet ubi lux aeterna.

Perducamur gaudia.

V. Quare festum hoc honestum,

Tam suave, tam modestum,

Celebrat ecclesia.

Ad Laudes.

Antiplionae.

1. Pastor Aquilegiue,

Pacis patriarcha,

Vas miscricordiae,

Pietatis arca,

Nobis assit ''Hellarus,

''Ne suo nos tartarus

Voret cum monarcha.

2. Defleta gentilitas

Degens in errore,

Cuius est crudelitas

Fervens in furore,

Tatianus igitur,

Hellari levita,

Legem tutus sequitur

Eius, qui est vita.

3. Deo cum laetitia

Felix ille serviens

Meruit felicia,

Morte vitam finiens

4. Largus sive Largius

Iste nuncupetur,

Largus Christi filius

Largius dicetur.

5. Recolentes proelia

Tua, ''Dionysi,

''Fac habere prandia,

Quae sunt paradisi.

Ad Benedictus.

A. Ferunt mundo quinque sensus,

Quinque dona, quinque census,

Sancta quinque nomina,

Caritatis semina:

Hellarus hilaritatem.

Felix fert felicitatem,

Tatianus taciturnitatem,

Clamat Largus largitatem,

Deo ''Dionysius

''Dat nos studiosius.