43. Ad Elevationem Corporis Christi.

1. Ave, corpus incarnatum,
In altari consecratum,
Panis vivus angelorum,
Salus spes Christianorum.

2. Ave, corpus Jesu Christi,
Qui de coelo descendisti,
Tuos servos redemisti,
Dum in cruce pependisti.

3. Sancta caro nos emunda,
Sanguinis benigni unda,
Lava nos ab omni sorde
Et ab infernali morte.

4. Per tuam divinam pacem
Praesta nobis sanitatem
Et per tuam bonitatem
Nobis da prosperitatem.

5. Tu qui es portus salutis,
Nos libera, Deus fortis,
A leone rugiente
Et a dracone furente,
Da nobis fidem sanctorum
Per saecula saeculorum.