QUAESTIO III.

Utrum Angelus possit cognoscere se per essentiam ?

Alens. 2. part, quaest. 24. membro . et 4. D. Thoro. I. part. quaest. 55. livii 2. et 3. D. Bnnav. hic2. part. art. 2.quaest. I. Richard pori. 2. quxst 6. Henr. quotll. 5. quaest. 14. Vasq. I. pa t. disp. 215. cap. 2. Scotus in Oxon. hii quaest. 8.

Quod non, quia si sic, hoc non esset nisi quia est sibi praesens, et actu intelligibilis ; sed illa non sufficiunt, quia anima est actu intelligibilis, et semper sibi praesens, ut vult Augustinus 8. de Trinit. et 14. cap. 4. Et tamen non intelligit se per essentiam, sed oportet alia adjungere 3. de Anima, text. 8. et 13. Item, singulare non est per se intelligibile ; sed essentia Angeli est singularis.

Item, omne cognitivum et receptivum denudatur ab eo quod recipit, ut habetur 2. de Anima, text. 71. et 121. Oculus est non coloratus ; et 3. de Anima, text. 4. Intellectus est immixtus, ut materialia cognoscat; sed nihil denudatur a se ; igitur, etc.

Item, nihil idem patitur a se, quia agens et patiens sunt distincta, ut habetur 3. Physicorum, et 8. Sed intellectus patitur ab intelligibili, Metaphysicae in illo capitulo: Movet autem, etc.

Item, si Angelus per essentiam intelligat se, igiturintellectio sua esset idem cum essentia sua. Consequens est falsum. Consequentia patet, quia intellectio mediat inter intelligentiam et rem intellectam, et plus distat extremum ab extremo quam a medio.

Confirmatur, non videtur aliquid, per quod posset intellectio distingui ab essentia, cum intelligit, quia ratio formalis. distinctionis intelleclionis ab aliquo, vel est ab intellectivo, vel ab intelligibili ; neutro modo in proposito potest intellectio distingui ab objecto.

Oppositum, aliqua forma potest esse per essentiam immediate principium agendi, quia si non, igitur per aliam formam, et illa per aliam, et sic in infinitum ; sed si qua sit, maxime erit quae est actualior ; igitur. magis hoc videbitur. de forma Angeli, quam de alia aliqua forma creata.