BONONIEN. 45

Post haec ad diluendas nonnullas difficultates iam in praeterito folio praeventas heic pergunt patroni, et notata iterum indole timida Antonii innata, cum timore reveren- tiali et periculo maioris partis bonorum amissionis, perpen- sisque quibusdam rerum adiunctis matrimonium concomitan- tibus, quae iugem Antonii in matrimonio repugnantiam confirmant, ac demum probata plurium testium dictis clara, directa ac dolorosa patris confessione de gravi a sé errore admisso, concludunt, demonstrationem de vi et coactione ad nuptias in casu plenissimam et numeris omnibus absolutam esse.

Quae in dubium revocari nullimode potest ex testium de- positionibus, et quibusdam litterarum laciniis a (J-ozzadinae matre ad amicam scriptis, iuxta notissimam iuris regulam, scilicet in te dium conflictu maiorem fidem esse perhibendam duobus testibus de metu deponentibus, quam mille de libera et spontanea voluntate. Nam probatio spontaneae voluntatis fere impossibilis est, et stante causa metus, actus praesefe- rentes laetitiam praesumuntur simulati. Panini oll. in Decis. 102., ann. I pag. 375, Barbosa lib. I vol. I num. 84, Rota Decis, 326 § 26 et 392 n. 3 cor. Ludovisio, Decis. 628 n. 8 cor. Merlino, et Decis. 732 cor. Eme rix.

Quae iuris regula multo magis vim suam in themate exerit, 1. quia testes ex adverso aliati in conflictu repe- riuntur non solum cum aliis de metu deponentibus, sed, quod magis est, etiam cum confessionibus illius qui metum incussit, scilicet patris; 2. quia comes Antonius, inter alia, a patre praeceptum acceperat peragendi semper libenti ani- mo quidquid ei pater imperaret, etiamsi voluntati suae re- pugnans. Unde actus sub huius praecepti vi eliciti eo magis simulati sunt existimandi, ad tradita per Barbosam lib. 2 vol. 16 num. 87 et 93. Ex quo etiam explicatur quomodo comes Antonius coram Parocho eum interrogante de more ante bannorum publicationem, responderit absque ulla haesi- tatione se nuptias sponte ac libere contrahere ; et quomodo in actu celebrationis matrimonii nullum dederit repugnantiae signum.