46 Instructio de scholis publicis in America Septentrionali

adhibentur, et caeteroquin, ne perniciem afferant iuventuti, nulla lege cautum est, ita ut liberum sit errores et vitiorum semina teneribus mentis infundere. Certa item corruptela insu- per ex hoc impendet, quod in iisdem scholis, aut saltem plu- ribus illarum, utriusque sexus adolescentes et audiendis lectio- nibus in idem conclave congregantur, et sedere in eodem scamno masculi iuxta foeminas iubentur. Quae omnia efficiunt ut iuventus misere exponatur damno circa Fidem, ac mores periclitentur.

Hoc autem periculum perversionis nisi e proximo remotum fiat, tales scholae tuta conscientia frequentari nequeunt. Id vel ipsa clamat lex naturalis et divina. Id porro claris verbis Summus Pontifex edixit, Friburgensi quondam Archiepiscopo, die 14 iulii 1864, ita scribens: Certe quidem, ubi in quibus- cumque locis regionibusque perniciosissimum huiusmodi vel susci-

peretur, vel ad exitum per duceretur consilium expellendi a

scholis Ecclesiae auctoritatem, iuventus misere exponeretur

damno circa Fidem, tunc Ecclesia non solum deberet instan-

tissimo studio omnia conari, nullisque curis parcere, ut eadem

inventus necessariam christianam institutionem, et educationem

habeat, verum etiam cogeretur omnes fideles monere, eisque

declarare eiusmodi scholas Ecclesiae Catholicae adversas haud

posse in conscientia frequentari. Et haec quidem utpote fun- data iure naturali ac divino, generale quoddam enunciant principium, vimque universalem habent, et ad eas omnes per- tinent regiones, ubi perniciosissima huiusmodi iuventutis insti- tuendae ratio infeliciter invecta fuerit.

Oportet igitur, ut Praesules Amplissimi quacumque pos- sint ope atque opera commissum sibi gregem arceant ab omni contagione scholarum publicarum. Est autem ad hoc omnium consensu nil iam necessarium quam ut Catholici ubique loco- rum proprias sibi scholas habeant, easque publicis scholis haud inferiores. Scholis ergo catholicis sive condendis ubi defuerint, sive amplificandis et perfectius instruendis paran- disque, in institutione ac disciplina scholas publicas adaequent