46 URGELLEN.

praescribuntur in Bulla Apostolicae Sedis (1) art. 2. III, nem- pe, Ordinarios incurrere suspensionem per annum ab Ordinum administratione, si ordinent subditum proprium, qui alibi tanto tempore moratus sit, ut canonicum impedimentum ibi contrahere potuerit, absque Ordinarii eius loci Litteris testi- monialibus : tum resolutionem huius S. Congregationis Concilii 9 Septembris 1893, in qua decernitur necessarias esse has Litteras testimoniales, quando subditus proprius moratus sit alibi spatio trium mensium, huic S. C. C. exponit: (2)

Frequenter accidere, iuvenes scholares percurrere varias dioeceses tum ratione servitii militaris, tum aliis de causis; ita ut non raro eveniat, quod morati fuerint in pluribus dioecesibus spatio trium mensium ; quin aliquis sit, qui testimonium red- dere possit de ipsorum natalibus, aetate, moribus, vita, fama, conditione, scientia, neque utrum aliqua censura, irregulari- tate aut alio canonico impedimento irretiti sint; cum, ut plurimum, omnibus sint ignoti, praecipue cum populosae sint civitates, in quibus parum temporis morati fuerint.

« Hisce praenotatis, huic S. O. C. sequentia proponit dubia :

« l . u m Utrum in omnibus prorsus casibus, ad ordinandum subditum proprium necessariae sint Litterae testimoniales omnium Episcoporum locorum, in quibus moratus fuerit, vel relinqui possit prudenti arbitrio Episcopi proprii, attentis cir- cumstantiis subditi ordinandi.

« 2 . u m Utrum Episcopus ordinans subditum proprium abs- que hisce Litteris testimonialibus alieni Episcopi in omnibus prorsus casibus incurrat, ipso iure, suspensionem per annum ab Ordinum administratione.

« 3 . u m Utrum sufficientes censendae sint Litterae testi- moniales alieni Episcopi, quando testatur nihil constare de ordinando; eo quia nemo sit qui de ordinando testimonium reddere possit, cum sit, ut iudicatur, omnibus ignotus.

(1) Constitutio Apostolicae Sedis . . . relata fuit Vol. V, 287. (2) Confer Vol. X X V I , 428, ubi relata fuit Firmana, postulatum quoad litteras

testimoniales Ordinandorum.